شارك الفنان أحمد الفيشاوي متابعيه وجمهوره عبر حسابه بموقع الصور والفيديوهات الشهير 'إنستجرام'، بفيديو له من داخل صالة الجيم، وهو يرقص على أغنية 'يوم تلات' للنجم عمرو دياب، وكتب الفيشاوي: 'روحت الچيم لاقيت عمرو دياب شغال سبت التمرين و فرفشت'.
وكانت قضت محكمة جنح الدقي، منذ عدة أيام بمعاقبة الفنان أحمد الفيشاوي، بالحبس لمدة سنة واحدة، وذلك في جنحة امتناعه عن تنفيذ أحكام نفقات وأجور، أقامها ضده المحامي شعبان سعيد، وكيلًا عن نجلته لينا الفيشاوي، وقدم الفيشاوي معارضة على هذا الحكم، وقررت محكمة جنح الدقي، النظر في المعارضة في جلسة ١١ مارس المقبل.
وقال المحامي شعبان سعيد وكيل نجلته لينا موجها حديثه للفيشاوي: 'مش معني انك تعمل معارضة يبقى الحكم يتلغي خالص.. مش هتاخد براءة يعني.. وهتتعاد المحاكمة ولو مسددتش هيتأيد الحكم وهيتحبس، لو طعن على الحكم القاضي هينظر سدد ولا لا هو ده اللي هينظر فيه'.
وتابع المحامي في تصريحات ببرنامج 'ET بالعربي' قائلا: ' اتصل بيا ناس كتير اوي وقاله ان المحامية بتاعته بتقول أصل العنوان هو مش قاعد فيه.. يعم اديك عرفت ان بنتك ليها فلوس وانت عارف من الأول اصلا.. بقالنا سنتين وسائل الإعلام ملهاش حكاية غير أحمد الفيشاوي و المستحقات اللي عليه'.
وواصل محامي نجلة الفيشاوي 'لينا' قائلا: 'روحنا نحجز عليه عند سمية الألفي قابلوا المحضرين وقالت أن أحمد مش بييجى عندها ومتعرفش عنه حاجة وده عشان يوقفه التنفيذ.. عليه 4 مليون و 700 الف، ودي مبالغ متراكمة مأجر مسكن ومصاريف دراسية ونفقات عن آخر عامين لبنته بداية من ذهابها للدراسة في لندن'.
تابعوا آخر أهل مصر على Google News
