حمو بيكا يهاجم حسن شاكوش: كنت بتجيلي تقعد على الأرض عشان تشتغل

وجه مطرب المهرجانات حمو بيكا، هجومًا شديدا لمطرب المهرجانات حسن شاكوش، ونشر حمو بيكا من خلال صفحته الشخصية على موقع التواصل الاجتماعى فيس بوك، مقطع فيديو قال فيه: 'أنا تاريخي حبيتك وجرحتيني أنت تاريخك إيه؟، أنا اللي عملت تاريخك أنت كنت موجود بس شفاف، زعلت منك فلان وعلان وبس ولكن الناس عارفه تاريخك إيه، أنا عندي كاميرات في الاستوديو مصورة كل النجوم اللي دخلوه اللي أنا طلعتهم نجوم'.

وأكمل: 'عمر كمال أطيب منك مش هلاقي زيه في الحياة، الخبث والصفار عندك، وأنت معروف طول حياتك معروف، في مثل بيقولك دا شبع بعد جوع، نمبر وان إيه ونمبر تو إيه يكون بشغلك، أنا عامل تراك جايب 150 مليون، فيجو الدخلاوي هو اللي وزع الأغاني كلها دا اللي لعب المزيكا اللي بتسمعوها في الشارع'.

وواصل قائلا : 'الناس دي هما دوول تاريخ المهرجان، المهرجان فرض نفسه، وأنتو اللي هتحكموا لو عايزنه يختفي هيختفي لو عايزينه يكمل يكمل، وعايز أقول لكل أخواتي اللي ف أمريكا انتظروني في أقوى حفلة في الدنيا' .

واختتم: 'أنت بتنزل أوردرات تغني شغلي ، نفسي تنزل تغني شغلك، أنا اللي عملت كل النجوم، كل اللي هيكتب عني من الصحف، مافيش غير القانون عشان أنا راجل فيمص، إحنا كلنا بنحمل اسم مهرجان شعبي، وكنت بتجيلي تقعد على الأرض عشان تشتغل، وبعد أنت قليت معايا في بلدك على عكس أنا عملت معاك الصح في بلدي'.