اعلان
اعلان

بعد الهجوم عليه بسبب حفل الاستاد.. عمر كمال: "كنت عايز اعتذر عنها محدش رضي"

عمر كمال
عمر كمال
كتب : منى رجب

وجه مطرب المهرجانات عمر كمال صاحب أغنية 'بنت الجيران' الشهيرة، رسالة للذين يهاجموه على طريقة أدائه وغنائه أمس، في حفل عيد الحب بإستاد القاهرة الدولى، برفقة حسن شاكوش شريكه في مهرجان بنت الجيران، موضحاً أن هذا يرجع إلى تعبه الشديد من كثيرة الحفلات مما أثر على صوته في حفل عيد الحب.

وشارك عمر كمال، جمهوره بمقطع فيديو له فجر اليوم، عقب تقديمه حفل عيد الحب، عبر حسابه الشخصي بموقع التواصل الاجتماعي فيسبوك، علق عليه قائلاً: 'توضيح واعتذار و ياريت الناس تقدر تعبي وجهدي'.

وقال عمر كمال في الفيديو: 'انا عايز اوضح حاجة بالنسبة لحفل الاستاد، انا عليا ضغط غير عادي، بتصل بالناس بقولهم أنا تعبان مش قادر أحضر حفلات يقولولى تعالى غنى أغنيتين وامشى، انا كنت عاوز أعتذر عن حفلة الاستاد لكن قالولى مينفعش، لازم تحضر أنت وحسن، أنا مش قادر أتكلم، صوتي تعبان من الحفلات، اللى حضر حفلة الاستاد شاف الفقرة نجحت ازاى'.

وتابع عمر كمال: 'طبيعي أن أي حد ممكن يتعب أنا بني آدم، الناس اللي قالتلي اصل انت انكشفت اصل ده مش صوتك، انا تعبان والله مش بنام، أنا ضغط الشغل عليا كتير، ولغيت كل حفلاتي النهاردة، أنا مش قادر اشتغل ومش قادر أغني للناس، والناس مرحمتنيش في التعليقات دي أصوات، أنا بعتذر لكل واحد مكنتش عند حسن ظنه، بس انا حاولت اريح واعتذر عنها محدش رضي'.

ووجه شكر لجمهوره قائلاً:' انا بشكركم على دعمكم ليا وإنكم وصلتوني اني استلم المسرح من النجوم تامر حسني ونانسي عجرم وبهاء سلطان ووائل جسار واحمد شيبه، وكل نجم كان في الحفلة، أنا كان قدام 20 سنة كمان عشان أقف أغني قدام 90 ألف واحد، بس انتم وبفضل ربنا ثم دعمكم خلتوني اقف الواقفة ديه، انا بشكركم واستنوا الشغل الجديد هيعجبكم، وبعتذر لو أنا كنت تعبان غصب عني'.

WhatsApp
Telegram
عاجل
عاجل
أمريكا "غيرت موقفها" من اجتياح رفح.. كواليس مباحثات غالانت مع مسؤولي البيت الأبيض