كتب الموزع الموسيقي محمد عاطف الحلو، عبر صفحته الشخصية بموقع التواصل الإجتماعي 'فيسبوك'، منشورًا يفضح من خلاله الملحن عمرو مصطفى، قائلًا: 'عمرو مصطفي ملحن مفيش اختلاف عليه انا مش كاتب البوست دا أقيم فيه ملحن كبير زي عمرو، انا بكتب حاجه بس ناس كتير مش هتعرف تقولها حتي الناس اللي موافقة علي كلامي دا هتخاف تعمل لايك'.
وأضاف الحلو: 'المهم اني واحد من ناس كتير كانوا في استديو عمرو مصطفي ولما عرف اني هشتغل في اغنية تبع شركة كبيرة هو ماسك شغلها اصلا، خلاني اروح بيتي وقالي نكمل شغل بكره قولتله تمام روحت بيتي و نمت علي امل اني هعمل الاغنيه و شوفت نفسي وانا في الاستديو بقي وبتعامل مع المطرب اللي انا بحب صوته جدا و الفلوس كمان بقي اللي هاخدها كنت صرفتها في دماغي قبل ما اشوفها وعايش فيلم كده تقريباً ساعه كده قبل ما انام اصحى بقي من النوم عشان احقق كل اللي حلمت بيه امبارح، اكلم عمرو حبيب قلبي اللي كنت امبارح انا حبيب قلبه واخوه الصغير وكلام كتير المهم كلمت عمرو تقريباً 3 مرات من 10 الصبح رد عليه الساعة 9 بليل قال لي انا كنت مطبق تعالي بسرعه محتاجيك طبعا اللي عارف عمرو مصطفي كويس عارف كلمة تعالي يسرعة ارجوك'.
وتابع 'الحلو': 'روحت فعلا بسرعة جدا من الهرم لمدينة نصر في ربع ساعة اروح الاقي الأغنية اتوزعت من زميل ليا انا طبعا بحبه جدا و متأكد انه مايعرفش اني انا اللي المفروض اوزعها، طبعا عمرو مصطفي عمل كده عشان هو بيشغل الناس بالشهر يعني ليه مرتب في الشهر سواء اشتغل غنوه او عشره موظف يعني، دا غير قلة ذوقه في التعامل مع ناس كتير أصغر منه وانا كنت هاجي اوزع غنوه و امشي طبعاً هو طالع مين عينه الرقم اللي هاخده وهو مش هياخد منه نسبة قام قاطع رزقي وقال إني كنت نايم ومروحتش الاستديو الصبح'.
وأختتم: 'المهم اني اتعلمت في بيت ابويا وعيلتي اني الرزق بتاع ربنا واحنا اسباب لبعض وانت يا عمرو شخص مش بتساعد حد كنت خليت حتى موزع مصري اشتغل في البومك من اخواتك الصغيرين اللي كانو عندك سنين، فكك من جو متبني المواهب دا وجو حرب الاسفاف دا سيبه للناس اللي بتفهم انت مش عارف كرد الدو من الصول، عشان انت نفسك مش عارف تطلع من نفسك غير ملحن مش عارف تبقي بني ادم محترم احنا هنحارب الاسفاس و النفوس المريضه اللي زيك، لو انت لعبت مع الأسد أنا اللي مربيه يا عمورة'.
وكانت إحدى الصفحات التابعة للملحن عمرو مصطفى قد نشرت منشوراً، على 'فيسبوك'، كتبت فيه: 'لكل الموزعين الموسيقيين الموهوبين، والأصوات الجديدة الموهوبة والشعراء والمصورين الفوتوغرافيين والمونتاج الموهوبين وشباب بتشتغل في سوشيال ميديا للترويج للمواهب الجديدة من يجد في نفسه الموهبة ولا يوجد عنده اَي إمكانيات سأوفر لك كل الإمكانية في إظهار موهبتك من أجهزة واستديو والحصول على أجر محترم رجاء إرسال اعمالك علي واتس اب، من المدة 20 /2 الي 26 /2، هشوفها بنفسي وهرد بنفسي انصاف المواهب يمتنعون من أجل إظهار من يستحقون الدعم، نداء لكل الجامعات المصريه انا علي استعداد لتبني اَي موهبة تستحق الدعم لو شايف صاحبك موهوب منشنه هنا او ابعتلي رقمه وموهبته في التوزيع او الشعر وانا هتواصل معاه بنفسي، معا لمحاربه الإسفاف وإخراج أجيال راقيه'.
تابعوا آخر أهل مصر على Google News
