قال مطرب المهرجانات الشعبية عمر كمال، في مداخلة هاتفية ببرنامج 'كلام هوانم'، إن فن المهرجانات أصبح مزيكا جيل ولا تصنف الآن كهوجة او ضجة جديدة، لافتا إلى أنه أصبحت لون اساسي في المجتمع.
وعن اتجاهه لغناء المهرجانات قال عمر كمال: ' انا راجل نقابي ومعهد موسيقي عربية وليا أعمال كبيرة حققت نجاح، لكن دلوقتي فيه حاجة جديدة لازم تمسك العصا من النص وتواكب العصر، لما دخلت المهرجانات دخلت بلون مختلف واغنية بنت الجيران حققت نجاح كبير واغنية شمس المجرة الثانية على العالم على موقع الاغاني الساوند كلاود'.
واضاف قائلا: 'فيه ناس بتهاجم المهرجانات عشان الكلام، بنحاول ننتقي الكلام غيرنا الكلمة بتاع 'خمور وحشيش' في اغنية بنت الجيران ونزلناها بنسخة جديدة بنحاول نرتقي بالموضوع واغنية 'شمس المجرة' مفهاش حرف واحد غلط'.
وعن حب الجمهور حاليا لأغاني المهرجانات قال عمر كمال: 'ممكن الناس ملت من الكلام والمزيكا التقليدي، لكن المهرجانات فيها كلام حقيقي قريب من الشارع'.
وأكد عمر كمال انتهاء الخلافات بينه وبين حسن شاكوش قائلا: 'اتصالحنا بعد ما جمعنا الفنان تامر حسني في لوكيشن التصوير بتاع فيلمه الجديد في 6 اكتوبر، وقالنا فورا لازم تطوروا من المهرجان وتغيروا من الأغنية وتم الصلح بينا والفترة الجاية هتسمعوا شغل محترم جدا مننا'.
وقال عمر كمال عن حفلهما الأخير في استاد القاهرة بمناسبة عيد الحب وتغير صوته بصورة واضحة: 'رد فعل الجمهور كان كويس بس حصل شوية اخطاء في الصوت كان صوتي مجهد جدا وداخلين من اول تراك الاستاد لحد الاستيدج مفيش سماعات مونيتور مكناش سامعين غير صدى صوتنا'.
تابعوا آخر أهل مصر على Google News
