نشر ناصر البرنس صاحب إحدى المطاعم الشهيرة فيديو يفضح محمد رمضان، حيث حضر رمضان برفقة فريقه إلى المطعم وقاموا بتصوير فيديو بدون الحصول على إذن من صاحب المطعم.
ناصر البرنس يفضح محمد رمضان
وفضح البرنس، الفنان محمد رمضان، بعدما اشتكى زبائن المطعم من الازدحام الذي حدث على محمد رمضان وبمراقفته كاميرات المراقبة، وجد أن هناك كاميرات كثيرة برفقة فريق عمل الفنان يصورونه وهو يرقص وسط الجمهور، وقال البرنس: 'كنت في البيت وسمعت إن محمد رمضان جايلي المطعم فقولتلهم رحبوا بيه واعملوا ترابيزة فيها 20 نفر، ولما بصيت على كاميرات المراقبة عندي لاقيت كاميرات رهيبة بتاع 6 أو 7 كاميرات موجودين فاستغربت وحسيت إن في حاجة غريبة'.
محمد رمضان
وتحدث صاحب المطعم الشهير مع المنتج طارق نجارة، الذي يعمل مع محمد رمضان كي يستفهم منه ولكنه فوجئ بأن المنتج يهدده ويقول له: 'متتكلمش في الموضوع عشان متزعلش مني'، مما جعل ناصر البرنس يغضب من هذا الرد، وقال: 'مش فاهم يعني إيه متزعلش مني هو انت بتهددني يعني ولا بتيجوا تصوروا الناس بالعافية أو جايين تاخدوا المحل بدون ما تستأذنوا من صحابه'.
وأضاف: 'في نجوم عريقة كتير بتجيلي ويصوروا وبنعمل معاهم فيديو وبنستأذنهم لأن مقدرش اعمل فيديو مع نجم إلا لما استأذنه لأن دي أصول وبروتوكول الطبيعي للناس ماشية عليه، بس انت تيجي عندي وتصور فيديو كليب وتنزله لأ ده أنا أرفع دعوة قضائية وبلدي تجبلي حقي ومش هسيب حقي'.
محمد رمضان والبرنس
واختتم البرنس حديثه، أنه سيتخذ الإجراءات القانونية ضد محمد رمضان، كي يحصل على حقه وقال: 'محمد رمضان هو نجم فوق دماغنا بس ده عمل ولا صداقة في العمل، وهنشرلكم من الـ 65 كاميرا اللي عندي انه اتضح فعلا انه بيعمل فيديو كليب والمنتج بيهددني ويقولي انت هتزعل مني، لا مؤخذة يا نجم انت متجبش ناس تهدد في الناس انت نجم وعالي بس متجبش ناس تهدد'.
تابعوا آخر أهل مصر على Google News
