وجه المخرج والفنان ومطرب الراب حسام الحسينى، نجل الفنانة نهال عنبر، رسالة إلى نقيب الموسيقيين الفنان هاني شاكر، في مقطع فيديو نشره عبر موقع الفيديوهات الشهير يوتيوب، وذلك بعد قرار وقف مطربى المهرجانات الشعبية.
وقال حسام الحسيني في رسالته: "السيد الأستاذ الفنان العظيم ونقيب الموسيقيين هانى شاكر، وقف التعامل مع مطربى المهرجانات القرار ده محتاج دراسة والوقف مش حل، ده نوع من الفن له جمهور فى مصر والوطن العربى والعالم، لأنه نوع موسيقى مصرى طالع من الشارع المصرى، ورؤيتى للمهرجانات إنها نوع من الفن اللى بيطلع من الشارع ويعبر عن ناس كتير، وأغانى المهرجانات تحتل تريند اليوتيوب يوميا وفى أغانى بتوصل لملايين فى الوقت اللى عدد من الفنانين بيصوروا كليبات بميزانية عالية ومش بيجيب الملايين دي".
وتابع قائلا: "الحل إننا نقف جنبه ونعالجه كفنانين وبنفهم في الفن وانا من أسرة فنية ومينفعش نقف في وش الفن ده ولو عايزين ينشروا على اليوتيوب أغانيهم هيعلموا كده، وفي الآخر هنبقي إدينالهم فرصة أكبر أنهم يعملوا اللي عايزينه ومش هيبقي ليهم كبير وبالعند هيقدموا اللي عايزينه".
تابعوا آخر أهل مصر على Google News
