حمو بيكا: "أنا مش بدعي المرض.. ووصلوا صوت مصابي الكرونز للمسئولين بدل الهزار" (فيديو)

هاجم مطرب المهرجانات حمو بيكا، من يسخر من مرضه الكرونز وهو مرض التهاء الأمعاء، نافيا أن يكون مدعيا للمرض، قائلًا: 'حمو بيكا مش بيدعي المرض زي ما أنتوا بتقولوا وبتاخدوا كل حاجة هزار في الكومنتات'.

وشارك حمو بيكا مقطع فيديو لدكتور يتحدث عن أعراض مرض الكرونز في قناة الحياة وعلق عليه قائلا: 'عشان الزيطة والكلام الكتير اللى أنتوا كاتبينه فى الكومنتات إحنا مش بنقول أى كلام أو حمو بيكا بيدعى المرض زى ما أنتوا بتقولوا وبتاخدوا كل حاجة هزار فى الكومنتات.. ده كلام دكتور عن مرض الكرونز لو أنت متعرفش أيه هو مرض الكرونز اتفرج على الفيديو واعرف بس بلاش تكتب كلام ملهوش لازمة'.

وتابع: 'الصفحة اللى معمولة دى معمولة عشان تقفوا مع الناس اللى مش مقتدرة تجيب العلاج مش عشانى خالص أنا الحمد لله ربنا مقدرنى بس غيرى عنده المرض مش مقتدر، بدل ما تقعدوا تهزروا ادعموا المرضى ووصلوا صوتهم للمسئولين'.

يشار إلى أن نقيب الموسيقيين هانى شاكر أصدر تنبيهًا مهمًا على كل المنشآت السياحية والبواخر النيلية والملاهى الليلية والكافيهات بعدم التعامل مع مطربى المهرجانات.