أثارت الراقصة سلمى مجدي زوجة حسن شاكوش ، ضجة مساء أمس الأربعاء، حيث أطلقت تصريحات نارية ضد المطرب الشعبي، مؤكدة انه تزوجها عرفيًا وبعد ان زاع سيطه بسبب أغنية 'بنت الجيران' قام بتمزيق ورقتي الزواج وتبرأ منها.
سلمى مجدي زوجة حسن شاكوش
وكشفت زوجة حسن شاكوش، تفاصيل قصته معه في تصريحات خاصة لـ 'أهل مصر'، قائلة: 'تقدمت بمحضر والقضية ستتحول إلى محكمة الأسرة لإثبات زواجي منه، بعد ما ضربني وقطع الورقتين'.
وتابعت الراقصة سلمى مجدي: 'أول مرة حسن شاكوش ضربني كانت من شهرين وسببلي تشوهات، وفي المرة التانية ضربني وقطع الورقتين اللي بيثبتوا جوازي منه'.
حسن شاكوش
وأشارت زوجة حسن شاكوش، إلى أنه يهددها، قائلة: 'بينا أصدقاء مشتركين ولما أعلنت انه كان متجوزني، جم قالولي متكبريش الموضوع عشان حسن ممكن يأذيكي، وهو بيحاول يمنع فيديوهاتي وأخباري عشان ميتعرفش انه الشهرة عمته'.
وعن ظن البعض بانها تريد الشهرة ومواكبة التريند المتداول حول صلاحب أغنية ' بنت الجيران'، أكدت سلمى مجدي: 'أنا مش عايزه شهرة ولو دا عدفي فانا شغلة رقاصة استعراضية ومفيش في الدنيا طريق أسرع من مهنتي للشهرة'.
ووجهت سلمى مجدي زوجة حسن شاكوش رسالة له: 'بنات الناس مش لعبة، فأنا واحدة باقي 3 سنين مستحملاك ومستحملة ظروفك ومكنش حد يعرفك وواقفة جنبك في كل حاجة، ورضيت وقبل بحاجات كتير مكنتش تنفع، وخسرت أهلي عشانك لحد دلوقتي مقطعني عشانك، فبنات الناس مش لعبة ومش لما ربنا يديك تفتري على الناس اللي وقفت جنبك'.
من هي سلمى مجدي زوجة حسن شاكوش؟
يشار إلى أن سلمى مجدي زوجة حسن شاكوش، هي فنانة استعراضية ظهرت بشكل مفاجئ لتعلن أنها كانت متزوجة من مغني المهرجانات حسن شاكوش عرفيًا، وأنها تعرضت للتعنيف منه.
أزمة حسن شاكوش
يشار إلى أن حسن شاكوش، واجه أزمة كبيرة بعد القرار الذي أصدرته نقابة الموسيقيين وينص على وقفه عن الغناء بجانب وقف جميع مطربى المهرجانات عن الغناء والظهور في الحفلات، وحذرت أصحاب المنشآت السياحية والكافيهات من التعامل معهم وإلا تعرضوا للجزاءات، وآخر هذه الأزمات كان هجوم سلمى مجدي طليقته.
تابعوا آخر أهل مصر على Google News
