رد الفنان وائل عبدالعزيز شقيق الفنانة ياسمين عبدالعزيز على ما تم تداوله من قبل رواد مواقع التواصل الاجتماعي عن الفنان أحمد العوضي يرد فيه على انتقادات شقيق الفنانة ياسمين عبد العزيز له بسبب علاقته بالنجمة ياسمين عبدالعزيز، والشائعات عن قصة حب تجمعهما.
وقال وائل عبدالعزيز على صفحته الشخصية على 'فيس بوك': 'ردّك متوقع جدا لان هو ده أسلوبك ومش هيتغير بس انا هرد عليك بالنسبة أن حد بيصرف علّيا عمرها ما اديتني جنيه في جيبي وأحب افكرك اني قاعد في بيت ايجار وراكب عربيه تويتا كنت جايبها قسط من شقايا واظن انت شوفتها ايّام مسلسل لاخر نفس لما كان معاك عربيه لانسر.. ويادوبك حوشت عشان اغير عربيتي قريب.. وحتي لو حد من اهلي ساعدني في وقت ضيقه انت مالك!! .. والا معندكش كلام تقوله !!!؟'.
وتابع: 'اما الشغل الي انا فاشل فيه فا لو بتعتبر ١٧ جايزه اخدتهم في اربع سنين فشل فا ياريت تعرف تبقي فاشل زاي لكنك مش هتعرف للاسف.. ومش انت اللي تحدد فشلي ونجاحي في أي شيء لانك طالع على رقبة الناس، اما اختي فالمواقف والسنين الي فاتت هيا اللي هتبين انا عملت عشانها ايه.. وكلمه اني طالع علي حسها كل الناس عارفه اني شقيت طريقي لوحدي من ١٥ سنه وعلي الرغم من ده فا انا عادي ابطل تمثيل من بكره قدام مصالح اختي'.
واختتم: 'اخيرا بقي.. ردّك ده علّيا اثبتلي انك ولا همك الانسانه اللي أنت ماشي تعاكسها في كل حتة وعلي صفحات السوشيال وسيبت المهم وابتديت في تشويهي ومفكرتش تاخد خطوه محترمه تجاهها الا انك جريت علي الترند وهتشتغل شغل قذر لان ده الي يهمك 'ترند' 'دور بطولة' 'فلوس' 'عربيات'.. وبالنسبه للناس الي بتقول اني بتكلم علي موضوع زي ده علي السوشيال ياريت تدخلوا تشوفوا صفحاتهم وتعرفوا ان الموضوع متعارف عليه للناس الا أهلها، ياسمين سألتني بعد الطلاق انها ممكن تحب وتتجوز وانا اول واحد قولتلها طبعًا حبيبتي ومن حقك وهبقي اول حد يفرحلك.. بس مش انت لاني اعرفك من سنين وعارف نواياك والأيام هتثبت صحه كلامي ونصيحه مني ليك لما تدخل علي ست متخطارش وقت ضعفها وخروجها من طلاق ومشاكل لو فعلا بتفهم كنت بقيت صديق ينصح ويحافظ ويخاف لحد ما تبقي قويه تاني.. مش يتصور صور زي دي يا محترم.. واخيرا في ٥ اكونت باسمي علي فيس بوك وانستجرام معرفش عنهم حاجة'.
وكان أحمد العوضي قد قال في المنشور المتداول عنه لشقيق ياسمين عبدالعزيز: 'أنهي بيت اللي أدخله من بابه.. إن كانت هي اللي بتصرف عليك وعلى أبنك اللي مخبيه وراميه وهي بتدفعله مصاريف مدرسته .. باب إيه يابني أدخله هو أنا شفت راجل واقف جنبها.. دي واحده انت مبتعملش حاجه غير إنك بتستنزفها هي ومامتها'.
وتابع: 'باب إيه يابني اللي هدخله من بابه وأكلم واحد بيتكلم على عرضه ولحمه قدام الناس.. يابني أنا من عين شمس منطقه شعبيه اتربيت على أن الاخت والأم والست الكلام عليهم من الكبائر.. عربية إيه يابني أنا أجري الحمد لله يعيشني كويس ويجيبلي عربية حلوه وبیت كويس.. بمجهودي وشغلي مش علي عرق واحدو ست.. باب إيه يا حبيبي اللي ادخله وانت اصلا عايش باسمها.. أنا شقيت على حالي بعرقي.. لكن أنت فشلت في كل شئ فشلت كممثل وفشلت كأب وفشلت كأخ وفشلت كبني أدم'.
تابعوا آخر أهل مصر على Google News
