بعد قصة خالد عليش يخون زوجته ويضربها، يبدو أن السوشيال ميديا أصبح النافذة الوحيدة التي يعبر من خلاله نجوم الفن عن مشاكلهم الخاصة، ولم تعد حياتهم الخاصة ملكهم فقط بل اصبحوا هم من يعلنوها على الملأ. فكانت قصة خالد عليش وطليقته ميما شامي أحدث فضائح المشاهير هذه الأيام.
فبدأت قصة خالد عليش وزوجته ميما شامي عندما فوجئ الجمهور بمنشور على موقع التواصل الإجتماعي 'فيسبوك'، لميما وهي تعلن انفصالها عن خالد عليش وكتبت: ' هو ٤٠٠٠ جنية في الشهر يكفى بنت في مدرسة انترناشونال وباباها بيقبض ٧٥٠٠٠ في الشهر، دة غير الإعلانات والايفنتات وإعلانات السوشيل ميديا، وطبعا انا اللي كنت بتفق عالفلوس دة فعارفة من سنة هو كان بياخد كم، يااما يرفع قضية اداب على امها ؟! والله في سهرة من السهرات اللي بينزلها وليدفع فيها دة يكفي بنته، لان هو اللي خاني وضربني وكنت انا اللي يعتذر عشان انا اللي قصرت وهو محترم ومؤدب مع كل الناس الا انا
ف انا اللي مش كويسة (طبعا هو كان بيقنعني بالكلام دة هو واهله فانا كنت بصدق لانه حولني لشخص عديم الثقة في نفسه فكنت بحس اني انا استاهل اتضرب واتهان واتخان وانا اللي مقصرة)'.
وتابعت طليقة خالد عليش: 'واخد فلوسي، الراجل مش معترض على فلوسي ومعترف بيها بس مش هيدهالي غير لما أوافق على كل شروطه يااما الجاي للقضاء، وانا كدة كدة بشتغل في مكان كبير وهفشخك، تفشخني لية، عشان مش عايزك، وهو برضو اللي طلقني ، انا بتعاقب على اية ؟! انا اقسم بالله مامصدقة هو في اية، انت مين ؟!!!'.
وبعد أن لام عليها الكثيرون، علقت مجددًا طليقة خالد عليش وقالت: 'للناس اللي مغالطاني اني نشرت حياتي الشخصية وان كان مفروض اسكت ودة اسرار بنا صدقوني انا مش مبسوطة خالص ان عملت كدة في حد كان اهم حد في حياتي، للاسف ضاقت بيا كل السبل ومليش غير الدعاء ان ربنا يهدي ويفوق، مش هقولكو على كسرة القلب والوجع اللي معتقدش هيروح في يوم من الأيام، ولا هقولكو على صدمتي في اعز الناس. اللي كان أغلى من روحي، ولا هقولكو احساس اني عريانة وسط الناس'.
وأضافت: 'انا امي وحياة تعبها ما كانت تعرف حتى هو بيقبض كام ولا حتى بعد ماهو غلط في امي اللي عمرها ماقالتلو كلمة تضايقة، ولا هقولكو على كسرة قلب امي عليًا وعلى بنتي واحنا كلنا مش فاهمين اية غلطتي انا عملت اية لكل دة، هقولكو بس بلاش تحكموا عليًا اني فضحت راجل كان أغلى من نفسي وكان عندي استعداد أضحي بكل حاجة عشانه، مش طالبة تعذروني او تشوفني صح، انا بس هقولكو والله العظيم ان اللي قولته دة مش اسرار انا عندي اسرار كتير وتفاصيل اكتر بس اخترت اقول اقل الحجات ضرر، الحجات اللي هو حكاها واللي قالها بس من وجهة نظره'.
وأختتمت كلامها وقالت: 'ممكن اكون غلط في اختيار بعض الأمور ممكن اكون غلط ان قلت مرتبه كام ( بس انا مقلتش اي مبلغ اعرفه قبل الانفصال) دة مرتبه اللي خباه عليًا بكل الطرق بس عرفته الحمدالله (يعني مكنش سر بنا) بس تمام يمكن غلط بس انا مش عاملة خطة يعني ومقولتش فلوس كتير انا عرفاها لما كنت معاه، ولا حجات هو شريها اللي قلته اللي عرفته بعد الانفصال، انا فضفضت لأني تعبت وتعبت من كل الناس اللي بتكلمني تحكيلي وان انا اللي افتريت وسبته وان هو متبهدل دة غير سمعتي اللي مسلمتش منه ولا من الناس، وشكرا لكل الناس اللي شيفاني غلط وأتمنى من الله متتحطوش في موقفي لان الله اعلم كان ردكم هيكون اية'.
وحاولت 'أهل مصر' التواصل مع الفنان والمذيع خالد عليش كي يكون له حق الرد على ما صرحت به طليقته ميما الشامي، ولكنه امتنع عن الرد.
تابعوا آخر أهل مصر على Google News
