زوجة علي ربيع تكشف عن عودتهما وتعتذر لوالدته: "ربنا يخليك لمليكة ودعواتكم لنا بحياة مستقرة"

كشفت ندى محمود زوجة الفنان علي ربيع، عن عودتهما وإنهاء الخلاف بينهما الذي استمر لأكثر من عام، وقدمت الاعتذار له ولوالدته، عبر حسابها الشخصي بموقع تبادل الصور والفيديوهات الشهير إنستجرام.

عودة علي ربيع إلى زوجته

وكتبت زوجة علي ربيع: 'انهاردة البوست ده لكل الناس اللى بتحبنى أنا وعلى ومليكة وبيتمنوا لنا الخير وكانوا بيدعوا لنا، زى ما انتم عارفين كان في خلافات أسرية بينا واحنا دلوقتى الحمد لله تخطينا كل الصعوبات دى لمصلحة بنتنا أولا و أخيرا ورجعنا لبعض، وكان ممكن نتخطاها في زمن أقصر'.

وتابعت' :النهارده بقول لأى حد زعل منى حقك عليا ولمامة علي كمان حقك عليا انتى في مقام ماما و لو زعلتى من تصرفى ببوس رأسك زى مامتى وغالية عندى زى مامتى وان حب على ليكى ده اللى خلانى أحبه و بقول لعلى حب الناس لك مش من فراغ ده لأن ربنا بيحبك لصفاء قلبك وطيبته، ربنا يخليك لمليكة ولكل اللى بيحبوك ودعواتكم لنا بحياة مستقرة'.

يشار إلى أنه في إبريل من العام الماضي أعلنت ندى محمود زوجة الفنان علي ربيع، أنه أساء لها ولابنتهما، بعد أن طردهما من المنزل، وكتبت عبر حسابها بموقع التواصل الإجتماعي 'فيسبوك': ' أمك ثم أمك ثم أمك وان قالت لك طلق مراتك واطردها من بيتها هى وبنتك متترددش يا قلب امك.. شكرا أنا وبنتك خصيمك يوم القيامة'.