كشفت ندى بهجت عن إجرائها لعملية خطيرة في رجلها منذ شهرين، ولم تفصح عنها، مشيرة إلى أنها جلست لمدة شهر ونص وهي على كرسي متحرك، وذلك عبر حسابها الشخصي بموقع التواصل الإجتماعي فيسبوك.
ندى بهجت على كرسي متحرك
وكتبت ندى بهجت: 'انا عايزة اقولكم علي مفاجاءة كنت مخبيها عليكم بقالي شهرين ومحبتش اقول واصلا انا مش بحب اقول علي اي حاجة وحشة بتحصلي ولا إدعولي ولا كفاية عين ولا الكلام دا خالص وبحب ابين واقول الحلو بس ويمكن دا السبب في اللي انا فيه حاليا الله اعلم المهم : انا حرفيا بقالي شهرين مش بمشي وقعدت علي كرسي متحرك لمدة شهر ونص وعاملة عملية في رجلي خطيرة'.وتابعت: 'وقعت وانا بتمرن تمرين بسييييط جدا بعملوا بقالي ٢١ سنة متخيلين! فحصلي ايه بقا ؟! اتقطع الوتر أكيلس عارفين دا ايه ؟ دا اخطر من الكسر والرباط الصليبي ! دا اللي ماسك الكعب بالسمانة ازاي، معرفش ودا مش بيجي غير للاعبين الكورة وهما بيلعبوا بعنف طب ازااااي جالي انا من تمرين بسيط ومتعودة عليه معرف !!، انا من يوم ١٨/١ لحد النهاردة ولسه قدامي شهر كمان عشان اقدر ارجع لحياتي الطبيعية والرياضية ويادوب من اسوبعين بس قمت من علي الكرسي الحمدلله وقدرت امشي بس ببوط طبي وبعمل علاج طبيعي مكثف والحمدلله ودا طبعا ترتب عليه ايه بقا، اعتذرت لحد دلوقتي عن : ٣ افلام / ٣ مسلسلات لرمضان وفاضلي مسلسل واحد معتذرتش عنه ومعرفش اذا هقدر اعملوا ولا كمان هعتذر عنه ! ويارب اقدر اعملوا'.
وأضافت: 'المهم ايه الحكمة من كلامي دا ؟ الحكمة ان اوعوا تصدقوا ضحكت الناس وفرحتهم اللي بتشوفها في الصور لان متعرفوش هما مخبين ايه من وجع والم ورا الضحكة دي وانا قررت اني اتكلم دلوقتي لاني خلاص قربت اخف والحمدلله وعشان اللي بيشوفني بالصدفة بيتصدم وبيسالني ازاي وانتي كل يوم بتنزلي صور وزي الفل ؟! الصور دي للاسف لازمة عشان شغلي لكن لو عاليا مش هنزل ابدا العين فشخت الحجر'.
تابعوا آخر أهل مصر على Google News
