بسبب كورونا.. ميرنا وليد : إزاي بتعزموني على أعياد ميلاد وأفراح؟

أبدت الفنانة ميرنا وليد، غضبها الشديد بسبب تجاهل البعض في الفترة الحالية للتعليمات والإجراءات التي تتخدذها حكومات الدول بسبب تفشي وباء كورونا المستجد الذي أصبح يشكل خطرا جسيما على العالم.

ونشرت ميرنا تدوينة عبر حسابها الشخصي بموقع التواصل الاجتماعي فيس بوك قالت فيها: "يا جماعة أرجوكم يعني البلد وقفت مدارس ومطار مصر خلاص حايقفل من يوم الخميس وكل ده عشان الناس ما تقابلش بعض وتعدي بعض وألاقي عزومات جايالي عيد ميلاد وافراح".

وتابعت ميرنا حديثها قائلة:" يعني ما نبعتش الاطفال مدرسة عشان نمنع الاختلاط نقوم عاملينلهم حفله نلمهم فيها بقى؟؟؟ ارجوكم شويه وعي الموضوع والله مش هزار، في دول بتعمل حروب وتبعت جيش يموت وتقتل آلاف البشر عشان طمعانة في خيرات بلد لما نفس البلاد دي تصرف مليارات النهارده عشان كورونا تفتكروا ده هزار؟".

وواصلت قائلة: "لما المسجد الاقصى وكنيسه المهد يقفلوهم لما كل البلاد تقفل حدودها الجوية والبحرية والبرية وده خراب اقتصادي كارثي لسه إحنا بنتعامل إنه هزار ويلا نتقابل ونحتفل وننزل نعمل شوبنج ؟؟ ارجوكم فوقوا شويه يعني لا تترعبوا ولا كمان تستهتروا ربنا يحميكم جميعا".