اعلان
اعلان

بسبب كورونا.. نجوم الفن يرفعون شعار خليك فى البيت.. بينهم تامر حسني

تامر حسني
تامر حسني

خليك في البيت.. شعار استخدمه بعض نجوم الفن لتوعية جمهورهم للحفاظ على صحتهم من مرض كورونا. وذلك بعد أن أصدر مجلس الوزراء بتعطيل الدراسة لمدة أسبوعين بعد تزايد حالات الإصابات بالمرض المستجد على البلاد. وترصد 'أهل مصر' هؤلاء النجوم في السطور التالية.

تامر حسني

نصح النجم تامر حسني جمهوره بأن الأجازة الأسبوعين التي اعطاها مجدس الوزراء للدراسة من أجل الحماية، وكتب عبر حسابه بموقع التواصل الإجتماعي 'فيسبوك': 'اخدنا أجازات عشان نحافظ على بعض و نُحصر المرض و مينتشرش وسطنا مش فاهم ازاي بعض الناس واخدين الموضوع هزار و اجازه و فسح وزحمه رهيبه عادي في الاماكن العامه و مخرجين ولادهم اه نشتري اللوازم المنزليه بهدوء و المقتدر ياريت يأمن الغير مقتدر'.

وتابع: 'الظروف الجايه اصعب لو ملتزمناش للي مش واخدين بالهم يا جماعه دا وباء عالمي مش وقفة العيد و حرصنا دا لما يتنفذ بشكل منظم مش بطريقة هلع و خوف هيخلينا نخلص منه ان شاء الله بدري جداً .... والرحمه مطلوبه من كل الناس اللي مشغلين ناس بيوميه انهم يحافظوا الفتره دي على اجورهم وًمراعات ظروفهم و التجار ميغلوش الأسعار حرام دا المفروض نخفض عشان مصلحة الجميع خصوصاً في ادوات التعقيم و تكونوا واخدين كامل الحذر في الوقايه من الإحتكاك بكل شيء اثناء التسوق و رجاء متنسوش الغير قادرين ربنا يحفظكم و يحفظنا جميعاً'.

رامي جمال

كما أن رامي جمال انضم لحملة 'خليك في البيت'، وكتب عبر حسابه على 'فيسبوك': 'تعالو نتكلم جد شويه اولا انا متفائل جدا اننا لو عملنا التعليمات اللي الدول اللي سبقتنا عملوها من حظر منزلي ونضافه وتعقيم والله هنفوت مرحله الخطر وانا مش مع الخوف المبالغ فيه بس انا مع الحرص المبالغ فيه في مرحله زي دي'.

وتابع: 'احنا شعب بيبان معدنه وحضارته في وقت زي ده بلاش تجمعات بلاش علشان منندمش في وقت متأخر تاني حاجه ودي مهمه جدا جدا ياريت نراعي مشاعر كبار السن وأصحاب الأمراض المزمنة والمناعيه اللي عمالين نطمن بعض ان هما اللي في خطر والباقي في أمان الكلمه الحلوه صدقه والمعلومة الطبيه تتقال بذكاء علشان منزودش قلقهم اخيرا بإذن ربنا الأطفال والشباب مفيش خوف عليهم الخوف منهم لان منظمه الصحه والأرقام بتقول كده يبقي ياريت نبقي عارفين اننا ممكن نبقي سبب في عدوي لناس بنحبهم وممكن بتجنب الاختلاط والبوس والأحضان والخروج لفتره ننجيهم من خطر ممكن نندم عليه باقي عمرنا وأخيرا ربنا هيحفظنا والله ده يقيني في ربنا بس نعمل اللي علينا مش لازم نستني انا يتفرض انا براهن علي ذكاء المصريين وحبهم لبلدهم'.

نوال الزغبي

وكانت من أول الفنانات اللبنانيات اللاتي دعمن لقرارات الحكومات في كل بلد من أجل الحماية من فيروس كورونا، ونشرت عبر حسابها بموقع الصور والفيديوهات الشهير 'إنستجرام'، صورة لها وهي مرتدية تيشيرت مكتوب عليه 'خليك بالبيت' وظهرت وهي مرتدية كمامة.

WhatsApp
Telegram
إقرأ أيضاً