تحدث الفنان محمد هنيدي، عن المريضة رقم 31 التي تسببت في نقل العدوى بفيروس كورونا 'كوفيد 19' في كوريا الجنوبية إلى نحو 8000، وذلك من خلال حسابه الرسمي على موقع تبادل الصور والفيديوهات الشهير 'إنستجرام'.
وقال هنيدي: 'أنا عايز احكيلكوا حكاية المريضة رقم 31 اللي تسببت بمرض حوالي 8000 شخص في كوريا.. الست دي حست بسخونية شديدة جدا لدرجة انها عملت حادثة بالعربية، وهي سخنة نقلوها المستشفى'.
وتابع محمد هنيدي قائلا: 'في المستشفى نصحوها تعمل تحليل كورونا رفضت تماما، وخرجت ولما خرجت مقعدتش في البيت لا راحت أكبر تجمعين دينيين في كوريا عدت حوالي 1200 شخص، وتاني يوم راحت هي وصحبتها يتعشوا في فندق عدت كل اللي في الفندق'.
وواصل هنيدي حديثه قائلا:'بعد مكانت كوريا بتسجل حالات قليلة جدا وصلت بتسجل أرقام فوق الـ 8000.. الست دي مش عايزك تبقي زيها اللي هي المريضة رقم 31 احمي نفسك واسرتك وبلدك'.
تابعوا آخر أهل مصر على Google News
