تعرضت الفنانة إيناس عز الدين لانتقادت لاذعة من قبل رواد مواقع التواصل الاجتماعي فيس بوك بعدما قامت بنشر فيديو من داخل مستشفي الحميات بإمبابة أثناء تلقيها العلاج نظرا للاشتباه في إصابتها بفيروس كورونا، ويظهر مقطع الفيديو انتشار الحشرات 'ذباب وأبراص' أسفل السرير الذي تجلس عليه منوهة إلي الحالة المتردية في المستشفي، وأنها لا تصلح لعلاج مرضي كورونا، الأمر الذي استغلته قناة الجزيرة الإرهابية وعرضت الفيديو؛ مما عرض المطربة المصرية لموجة من الغضب علي السوشيال ميديا لأنها تعطي انطباعا سيئا عن الحالة الصحية في مصر. وحاولت إيناس عز الدين تدارك الوضع بردها علي صفحة قناة الجزيرة بفيس بوك: 'ما طلبتكمش تدافعوا عني أنا مواطنة مصرية وأشكر وزارة الصحة المصرية'.
وجاءت تعليقات المتابعين عليها كالتالي، قالت الناشطة نورة مجد علي تعليقها بأنها دفعت 1500 جنيه لدخول الجناح الاقتصادي بالمستشفي قائلة: 'شكلك بقى زفت كل اللى عملتيه اووفررر على ١٥٠٠ج ميجوش تمن اكستنشن فى شعرك عايزة البلد تتقلب عشان سيادتك درجة حرارتك ٣٧ فقط وراحة غرفة درجة اولى فى اكتر مستشفى مضغوطة فى مصر والاطباء والتمريض بيعرضوا نفسهم للموت وراحة تصورى برص والجزيرة منزلة الفيديو بتاعك ده انتى مقززة'.
وعلقت أخري: 'دي المفروض تترمي بالجزم من الشعب المصري'، ناشطة أخري عقبت قائلة: 'طول عمرك بتهيني بلدك'. وأشار البعض إلي أن مدير أعمالها قطري، وقالت أخري: 'اول مرة اسمع عنها معرفهاش والله عموما واحدة ارتيست عاوزين منها اة مستنين منها اة مغنية درجة تالتة والله عمل فيلم روحى قعدى فى امريكا ولا بريطانيا دول كلها قفلت يا ارتست'، وقال هاني معوض: 'ياجماعه اللي مش عاجبه يروح ايطاليا او امريكا او فرنسا الشعار هناك موتو ف بيوتكم انما انتو شويه اغبياء بتصدرو التشاؤوم والغباء ونسيتو دور الدوله ف الوقايه من الوباء ده بتصدرو السلبيه وتنشرو السلبيات انما الايجابيات لا بس والله ماهنسكت ع اشكالكم العفنه دي تاني'.
وكان الدكتور خالد مجاهد المتحدث باسم وزارة الصحة قد أعلن أن الفنانة إيناس عز الدين لم تظهر نتائج تحليل تثبت إصابتها بفيروس كورونا حتي الأن من عدمه وأنها لم تدفع أي مبالغ مادية أثناء دخولها مستشفي حميات إمبابة بالجناح الاقتصادي وأن صرف العلاج لها كان مجانيًا خرجت المطربة إيناس عز الدين لتنفي كل ما قاله، مؤكدة أن صديقًا لها اسمه محمد فرعون هو من جاء إلي لمستشفي ليلا وأورد في خزينة المستشفي 1500 جنيه.
وبدخولنا علي صفحة محمد فرعون بموقع التوصل الاجتماعي فيس بوك وجدنا ما نصه بالتفاصيل: 'انا كنت نايم ولسه صاحي لقيت الدنيا خربانة ومش فاهم في ايه.. الموضوع باختصار شديد امبارح عرفت ان ايناس عز الدين عندها اشتباه باعرض الكورونا وتابعت الموضوع كله لانها في ازمة وانا اتعودت اني مش بسيب حد في ازمته.
وأضاف: 'احمد قمر كلمته وبلغته اني صاحي لو في اي حاجة وبدات افهمه ان الاشتباه مش معناه اصابة وباذن الله خير وهتعدي واني صاحي لحد ما اطمن علي ايناس. احمد كلمني الساعة 3 الفجر ان مطلوب دفع مبلغ مالي 1500 تحت حساب المستشفي وعاوز يجي يدفع قلتله خليك انا رايح لاني جنب المستشفي ومش هينفع انت تنزل في الحظر. بالفعل روحت في 10 دقايق مسافة ما دخلت الصيدليه وجبت كمامة وجلفز وزجاجة كحول علشان اكون في الأمان ودخلت المستشفي قبلت راجل بيكتب تذكرة المريض -الفايل المرضي- واخد الفلوس وطلعنا الدور الاول حجرة التمريض وسلم الفايل للممرضة وقالها تم تسديد المبلغ واخدو اسمي اني انا اللي دفعت'.
وتابع: 'وسألت الفلوس دي ليه اتقالي لانها دخلت درجة اولي والفلوس علشان الغرفة وبس. خرجت بعد ما كلمت ايناس بالموبايل واطمنت عليها وللصبح انا متابع مع احمد قمر عن الحالة. ودلوقتي انا رايح المستشفي اشوف ازاي انا مدفعتش فلوس'.
من ناحيتها كتبت إيناس من داخل المستشفى على حسابها الشخصي على موقع التواصل الاجتماعي 'فيسبوك' لصديقها: 'أنا هسيبك إنت ترد على موضوع إني مجاني وما دفعتش ولا جنيه لانك إنت اللي جيت ودفعت المبلغ تحت الحساب ده غير الأدوية اللي أنا ببعت أجيبها وبحاسب عليها بما فيهم ماسك جلسة النفس وحاجات تانية أنا بلغت بيها امبارح دكتور خالد مجاهد تليفونياً وقاللي إزاي ده يحصل ومش مقبول طبعا واوعي تدفعي حاجة لكن الواقع إني دفعت'.
وأضافت: 'ودلوقتي بقيت أنا اللي وحشة وبتعامل مع الناس اللي بتشتغل في المستشفى بطريقة سيئة، مع إن سبحان الله الممرضات والناس كانوا قاعدين معايا دلوقتي بنتكلم ونهزر ويهدوني علشان موقف ما حصل لما دكتورة دخلت احتدت في الكلام بصورة غير لائقة وصدر منها تهديد صريح تجاهي وأنا وقفت الموضوع عند حده بكل احترام'.
ونشرت منذ قليل إيناس بعض مقاطع الفيديو التي تفيد وجود بعض الذباب والأبراص من داخل المشفى، عبر حسابها الشخصي على 'فيسبوك'، وقالت: 'للاسف انا مش لوحدي في الغرفة معايا الضيف ده والموضوع مش كويس ابداً وبحاول التزم ضبط النفس على قد ما اقدر ولكن هتحاسب قدام ربنا لو سكت، و يؤسفني اني زي ما بشكر في مجهودات وزارة الصحة والحكومة الملحوظة جداً والمحترمة جداً في الازمة اني برضوا اقول ان مستشفى حميات امبابة غير صالحة لاستقبال حالات او اشتباه في حالات وفيه ضعف كبير في الموارد فيها ومش ذنب العاملين فيها ابداً هما شغالين على قدر الموارد اللي في المستشفى، ملحوظة دي غرفة درجة اولى بفلوس يعني مش مجاني ربنا يكون في عون المجاني'.
يشار إلى أن إيناس عز الدين عرفها الجمهور من خلال برنامج اكتشاف المواهب الشهير ارب ايدول، وحققت من خلاله جماهيرية واسعة، بعدها أصدرت عدد من الأغاني الخاصة بها، وكانت تتواجد مؤخرا قبل إصابتها في دولة المغرب.
تابعوا آخر أهل مصر على Google News
