مسن يتحرش بفتاة داخل أتوبيس نقل عام.. والضحية: ضربته ومفتحش بؤه

تفحص أجهزة الأمن بالقاهرة منشور متداول على "الفيس بوك" بتعرض فتاة للتحرش على يد رجل مسن داخل أتوبيس بمنطقة رمسيس بالأزبكية.

وأكد مصدر أمنى أنه فى حالة صحة الواقعة سيتم اتخاذ كافة الإجراءات القانونية.

ونشرت فتاة عبر حسابها على موقع "فيس بوك" منشورا بتعرضها للتحرش وجاء فيه: "قاعدة في الأتوبيس حسيت بحركة غريبة.. ببص جنبي لقيت الراجل اللي ورايا بيدخل إيده من جنب الكرسي وبيحطها على رجلي وبيحاول يتحرش بيا.. دماغي وقفت لحظة ومبقتش عارفة أعمل إيه".

وأضافت: "محستش بنفسي غير وأنا ماسكاه من التيشيرت بتاعه وعماله أضرب فيه.. وبعدها مسكته من الياقة بتاعت التيشيرت وقلتله أنزل من الأتوبيس.. لقيته سمع الكلام ونازل فعلًا.. رحت وراه وشديته من ضهره وضربته على قفاه وبالقلم على وشه تاني.. الراجل وأنا بضربه مفتحش بؤه بنص كلمة.. وولد كان معانا في الأتوبيس مسكه بهدله من الضرب ونزله من الأتوبيس، والصراحة الناس كانت متضامنة جدا معايا.. والراجل كان شكله معدي الخمسين ولو حد شافه هيقول عليه طيب وغلبان".