اعلان
اعلان

فحص منشور واقعة تعدي على طفل معاق ذهنيا داخل سيارة بدائري التجمع

قوات الشرطة
قوات الشرطة

تفحص الأجهزة الأمنية بالقاهرة منشور متداول لواقعة تعدي بالضرب على طفل معاق ذهنيا داخل سيارة ملاكي أعلى الطريق الدائري بالتجمع.

بداية الواقعة

وتداول نشطاء مواقع التواصل الاجتماعي 'فيس بوك' بكثافة منشور لسيدة تدعى يسرا كتبت فيه 'أنا مش عارفة اكتب فين وعلى أنهى جروب ولا أعمل إيه أنا متلخبطة،

من ساعة ما شوفت العربية دي الصبح على الدائري ناحية التجمع والسواق اللي فيها بيضرب ولد ذوي احتياجات خاصة (معاق ذهنيا وجسمانيا) راكب معاه في العربية وأنا هتجنن'.

وأضافت في المنشور، 'قعدت أقفل عليه بالعربية واضرب كلاكسات كتير ولقيت عربية تأنيه فيها راجل محترم شاف نفس المنظر اللي أنا شوفته كسر عليه بالعربية وفتح الشباك وزعق قاله أنت بتضربه ليه وأنت تقربله ليه والراجل اتوتر وقاله مضربتوش'.

وتابعت، 'المنظر كان صعب وهو سايق بيلف يضربه جامد وحبيبي غلبان قاعد وراء لا حول له ولا قوه، يا رب أهل الولد يشوفوا البوست ورقم العربية اللي معرفتش اعمل حاجة غير إني أصورها'.

وأضافت: 'ارحموا ولادكم من السواقين وبالذات لو طفل ذوي احتياجات خاصة أرجوكم أنا قلبي اتقطع من اللي شوفته.. حسبي الله ونعم الوكيل في كل بني أدم يمد إيده أو يأذي ملاك زي ده'.

WhatsApp
Telegram
إقرأ أيضاً