اليوتيوبر أحمد حسن، حصلت 'أهل مصر' على تفاصيل التحقيقات التي تجريها النيابة العامة في واقعة اتهام اليوتيوبر أحمد حسن بالتحرش بفتاة وتحريضها على الدعارة، من خلال محادثة بينهما عبر تطبيق «واتساب» WhatsApp، حيث طلب منها إرسال صور خاصة، كما حاول استدراجها لإقامة علاقة جنسية معها في منزله.
وكشفت التحقيقات أن الفتاة تدعى 'سما' تبلغ من العمر 19 عاما وتقيم بمنطقة الدرب الأحمر، حيث اتهمت اليوتيوبر أحمد حسن بالتحرش بها لفظيًّا عبر الواتساب وقالت: 'اللي حصل إن اليوتيوبر أحمد حسن كان عامل اعلان على الصفحة بتاعته على الانستجرام ان هو عايز بنت من سن 20 سنة إلى سن 35 وأنا بعتله علشان عايز يعمل فلم قصير فأنا كلمته وقلتلة أنا عارفاك ومن متابعينك بس أنا عندي 29 سنة وبعتلك صوري.
وأضافت الفتاة المجني عليها في تحقيقات النيابة، 'بعد كده هو أعجب بالصور ولقيته بيقولي هكلمك واتس اب وكلمني واتس فعلا وبعد كده لقيته بيطلب مني صور خاصة ولقيته بيقولي ': انتي جسمك حلو أوي'، يلا نلعب عريس وعروسه كده شوية، وتعالي البيت هتتبسطي قوي، وصوري جسمك بس متورنيش وشك ولو عرفتي تتصوري صوره خاصة واحدة بس اتصوري وورهاللي، طب اقلعي التيشيرت البنك ده واتصوري من غيره كده ..انتي جسمك أبيض من حياتي .. تعالي نتقابل في الفيلا بتاعتي أمام مول مصر ،أنتي عسولة قوي وجسمك جامد قوي علي فكرة.
وتابعت الفتاة في أقوالها خلال التحقيقات: 'هو اللي بعتلي على الانستجرام وبعتلي رقمه وقالي كلميني واتس وانا طبعا قولتله انا متجوزة وأنا بنت ناس ومينفعش الكلام اللي أنت قولته ده وبعدين رحت عملت محضر وأنا بتهمه بتحريضه على ممارسة الفجور والدعارة معه وإن هو بعتلي رسائل فيها تخطي للحياء والشرف وسبب لي ضرر نفسي.
وجاءت أقوال الفتاة المجني عليها كالآتي:
س: متى وأين حدث ذلك؟
ج : الكلام ده حصل يوم 14 يوليو 2021، كانت أول رسالة مني ليه على الحساب الشخصي بتاعه على انستجرام.
س : ما سبب ومناسبة إرسال تلك الرسالة إليه؟
ج : علشان هو كان منزل إعلان عايز بنت تمثل معاه في فيلم قصير.
س: كم عمرك تحديدًا؟
ج: أنا عندي 19 سنة
س : ما هي وسيلة الإتصال المباشرة بينك وبين المتهم؟
ج: إنستجرام، وبعد كده كلمته واتس أب على الرقم اللي هو بعتهولي.
س:ما هي الرسائل المتضررة منها؟
ج: كان بيقولي إنك جسمك حلو قوي ويلا نلعب عريس وعروسة كده شوية وتعالي البيت هتتبسطي قوي وصوري جسمك بس متورنيش وشك ولو
عرفتي تتصوري صوره خاصة واحدة بس اتصوري وورهاللي طب اقلعي التيشيرت البنك ده واتصوري من غيره ده انتي جسمك ابيض من حياتي تعالي نتقابل في الفيلا بتاعتي امام مول مصر انتي عسولة قوي وجسمك جامد اوي علي فكرة.
س : ما هي ساعة وتاريخ إرسال تلك الرسالة؟
ج : في 14 يوليو 2021، كان حوالي الساعة الرابعه عصرًا.
س : هل قام المتهم بنشر تلك الرسائل على أحد مواقع التواصل الاجتماعي بشبكة الإنترنت؟
ج : لا.
س : ما هو أثر تلك الرسائل عليكي؟
ج : أثرت عليا نفسيا، وسببت لي أضرار وهو كان عايزني أروحله الشقة، ويمارس معايا علاقة جنسية، في مقابل أنه يخليني مشهورة.
س: وكيف نمى إلى علمكِ ذلك ؟
ج: علشان هو طلب مني صور عريانة، وبعد كده قالي تعاليلي الفيلا والرسايل بتاعته بتدل على كده.
س: هل انصرف إلى شخصكِ قبل المتهم ثمة تهديد في حال عدم تلبية طلبه؟
ج: لا.
س : لماذا قمتي بمواصلة التواصل معه ولم تقومي بحظره؟
ج : علشان أكشفه قصاد البنات اللي بتابعه علشان ممكن يكون بيستدرج بنات تانية كتير.
س : هل شخص المتهم معلوم لديكِ ؟
ج : أيوه.. أنا من متابعيه على إنستجرام.
س : ما هو الإعلان الذي نشره المتهم؟
ج : أنه هو عايز بنت من سن 20 لـ 35 سنة، للقيام بفيلم قصير معه.
س : ما هو تصرفك حال مشاهدتك لذلك الإعلان ؟
ج : بعتله رسالة.
س : هل كان الإعلان من قِبل المتهم متاحا للعامة دون تمييز أم اقتصر على شخصك فقط ؟
ج : لا متاح للعامة.
س : كيف نمى إلى علمك ذلك ؟
ج : عشان كان ظاهر على انستجرام.
س : هل يوجد هناك إناث أخريات قام للمتهم بارتكاب فعله معهن من قبل؟
ج : أيوه.. في بنات أعرفهم وهم أمنية وتونا كلموني ومستعدين إن هم يشهدوا.
س : هل بينك وبين المتهم علاقة أو خلافات سابقة ؟
ج : لا.
س : منذ متى وأنتي تتابعين حسابات المتهم على موقع التواصل الاجتماعي إنستجرام؟
ج : من فترة مش كبيرة.
س : ما مضمون المحتوى الذي يقدمه شخص المتهم؟
ج : بيقدم مقالب هو ومراته زينب وبنتهم إيلين.
س : ما هي الأفعال المادية المرتكبة قِبل المتهم؟
ج : هو بعتلي رسائل خادشة للشرف والحياء' وهو بيقولي انتي جسمك حلو قوي، وتعالي البيت وهتتبسطي'.
س : ما النتيجة الإجرامية المترتبة على ذلك؟
ج : أنه كان عايزني أروح له الفيلا بتاعته.
س : ما هي العلاقة السببية بين تلك الأفعال المادية والنتيجة الإجرامية ؟
ج : بسببها حصلت الأفعال دي.
س : ما اللغة التي أرسل المتهم رسائله بها ؟
ج : اللغة العربية.
س : هل انصرف المتهم إليك بعبارات قذف؟
ج : لا.
س : وما مبتغى المتهم من إتيان تلك الأفعال المادية تجاهك ؟
ج : هو كان عايزني أروح البيت عنده، علشان أمارس معاه علاقة جنسية.
س : وهل طلب المتهم منك ذلك صراحة ؟
ج : أيوه .
س : ما هي وسيلة التواصل بينكما؟
ج : كان على انستجرام، وبعد كده روحنا علي الواتس.
س : ما هو القصد الخاص من قبل المتهم ؟
ج : يمارس معايا علاقة جنسية مقابل أنه يشهرني.
س : ما هي وسيلة الخداع المتمثلة من قِبل المتهم لإغوائكِ بارتكابه الفجور وتحريضك على ممارسة البغاء ؟
ج : أنه نزل إعلان عايز بنت تشتغل معاه في فيلم.
س : ما هي الوسيلة الإحتيالية التي استخدمها المتهم لإقناعك بالامتثال لطلبه؟
ج : بعتلي رسائل أنا متضررة منها، وقالي متخافيش وهتتبسطي.
س : بما تتهمي المتهم؟
ج : أتهمه بتحريضي على ممارسة الفسق والفجور وإقامة علاقة جنسية.
س: ما هو قصد المتهم من تلك الأفعال .
ج: هو قصده ممارسة الفسق والفجور وإقامة علاقة جنسيه معي.
س:ما هو محل إقامة المتهم سالف الذكر.
ج: في البساتين
وواصلت تفاصيل التحقيقات في واقعة اتهام اليوتيوبر أحمد حسن بالتحرش لفظيًا بفتاة وتحريضها على الفسق، عن أقوال كريم خيري نقيب شرطة بوجدة مكافحة جرائم تقنية المعلومات بقطاع أمن القاهرة، في تحقيقات النيابة العامة، حيث قال: 'اللي حصل إن فيه بلاغ مقدم من المجني عليها سما محمد، يفيد تضررها من المتهم أحمد حسن، مستخدم الحساب الموثق المسمي (ahmed hassan) على موقع التواصل الاجتماعي انستجرام وكذا تضررها بأن المتهم يقوم بمراسلتها عبر الواتس اب تتضمن عبارات تحرش جنسي وتحريض علي الفسق، وبإجراء التحريات الفنية باستخدام لبرامج والتقنيات الحديثة تبين أن مستخدم الهاتف المحمول هو اليوتيوبر أحمد حسن، المقيم بمنطقة البساتين.
وأضاف أنه استخدم التقنيات والوسائل الحديثة التابعة للإدارة العامة لتكنولوجيا المعلومات للكشف عن حقيقة الواقعة وتبين صحتها بأن المتهم أرسل تلك الرسائل عبر تطبيق الواتس اب والانستجرام.
تابعوا آخر أهل مصر على Google News
