بعد أقل من 24 ساعة من استغاثتها عبر مواقع التواصل، نجحت أجهزة وزارة الداخلية ليلة أمس في الإيقاع بسائق سيارة ميكروباص متهم بالتحرش بإحدى الفتيات كانت تجلس في الكرسي المجاور له.
تحرش سائق ميكروباص
بداية الواقعة استغاثت 'رانيا' على حساب الانستجرام الخاص بها بأنها تعرضت للتحرش من سائق ميكروباص.
وكتبت 'رانيا' مع نشر مقطع فيديو التحرش: كنت راكبة ميكروباص جنب السائق، وفي الطريق حسيت بشئ يلمس رجلي، فتراجعت للخلف، وفي الاول كنت مش عاوزة أعمل شوشرة عشان مظلموش، لكن السائق كان مصمم يتحرش تاني فقررت أصوره بتليفوني لآخذ حقي بشكل قانوني'.
وتابعت: قبل نهاية الطريق لاحظ إن الكاميرا مفتوحة ونطيت من الميكروباص، وصورته هو ورقم العربية.
وبعد أقل من 24 ساعة، وبعد تحرير محضر بقسم شرطة التجمع الخامس بالقاهرة لتضررها من قائد سيارة ميكروباص أكدت الوزارة أنهم تمكنوا من تحديد مرتكب الواقعة، وتبين أنه مقيم بدائرة مركز شرطة الصف في الجيزة.
تابعوا آخر أهل مصر على Google News
