قضية الآثار الكبرى.. زوجة علاء حسانين: "افتكرته اتخطف فكلمت مصطفى بكري يلحقه"

بدأت منذ قليل، محكمة جنايات شمال القاهرة، المنعقدة بالعباسية، بمحاكمة حسن راتب، وعلاء حسانين، في قضية الآثار الكبرى، والاستماع إلى الشاهد السابع في القضية.

واستمعت المحكمة، اليوم، الأحد، إلى شهادة شهود النفي، ومنهم هناء، زوجة المتهم علاء حسانين، وشاهد النفي في القضية.

وقالت الزوجة،: "أنا عرفت بنبأ القبض عليه من سائقه الخاص، وعرفت إنه كان في البلد، والسواق اتصل بيا وهما راجعين من البلد، وكانت في عربية سودة ماشية ورا علاء، وكلم رئيس المباحث، قاله في عربية ورايا، أنا افتكرت إنه هيضِّرب؛ لأن قبل كده خلال فترة الانتخابات؛ كان فيه ناس بتعترضه".

وأضافت هناء،: "ضابط الكمين قال للسواق، اقفل التليفون، والسواق قالي: إلحقي علاء بيه.. ضابط الكمين قبض عليه.. وبعدها تليفونه اتقفل، وأنا اتصلت برئيس المباحث؛ قالي: هو اتقبض عليه بخصوص قضية؛ لِبِست العباية ونزلت أكلم واحد صاحبنا؛ عشان أعرَّفه اللي حصل".

وأكملت الزوجة،: "جوزي بيمشي على الطريق الصحراوي بتاع الشيخ زايد، مش بتاع حلوان، بعدها كلمت الصحفي مصطفى بكري، وكلمت ناس كتيرة؛ عشان ألحق علاء، لأنهم قالولي إنه اتخطف من عند الكمين على الطريق السريع".