اتحرش بيهم وزنق عليهم بالعربية بتاعته.. عم ضحايا انقلاب سيارة بطريق صلاح سالم يروي تفاصل الواقعة

قال عم ريهام وروان ضحايا انقلاب سيارتهم بطريق صلاح سالم: 'البنات كانوا راجعين من حنة صديقتهم العروسة وحاولوا يفسحوها، وكانوا راجعين على البيت'.

ضحايا انقلاب سيارة بطريق صلاح سالم

وخلال بث مباشر مع محرر 'أهل مصر' تابع عم الضحايا: 'وهم في طريقهم للبيت في شاب اتحرش بيهم وزنق عليهم بالعربية بتاعته، وبص من شباك عربيته وقالهم هقلبكم من على الكوبري'.

وواصل: 'في ناس شيروا على الفيس بوك لو حد يعرف أهل روان يتصل بيهم.. وفي حد قريبنا عرف الموضوع من البوست'.

4 ضحايا أصيبوا بكسور

وأكمل: 'في بنت توفت و 4 مكسرين، وفي بنت منهم عملت عمليتين، وفتاة أخرى عملت عملية في وجهها، والضابط اللي كتب المحضر قال إنها 'قضاء وقدر'، وبعد كده وكيل النيابة 'ربنا يباركله' رجع فتح المحضر تاني'.