أمر قاضي المعارضات بمحكمة شمال الجيزة، اليوم الخميس، بتجديد حبس عامل وزوجته الثانية، 15 يوما جديدة، على ذمة التحقيقات التي تجرى معهما بشأن اتهامهما في واقعة حادث مقتل ابنة العامل وتعذيبها بمنطقة الوراق.
قال المتهم أمام النيابة: «ولادنا كانوا عايشين معانا، وأنا قلت لمراتي إن مريم بنت مراتي الأولى هتعيش معانا وهي رحبت جدا بيها وكانت بتاخد بالها منها وبترعاها أحسن رعاية وتربية، بس أنا بصراحة ماكنتش طايق بنتي مريم ولا طايق أبص في وشها ودايما بضربها في الرايحة والجاية».
تابع المتهم بقتل ابنته موضحا أنه دائما ما يطلب من الضحية طاعته وتنفيذ أوامره، وأضاف: «كتير قلتلها متفتحيش باب الثلاجة عشان بيعمل ماس وممكن تتكهربي بس كانت بتروح تفتحه برده، مسمعتش الكلام فطلعت من الحمام ومسكتها وفضلت أضرب فيها بالقلام وألطشها وفجأة وأنا بضربها لقيتها منزلة من بوقها حاجة زي رغاوي وريم كده ومن مناخيرها دم ومفيش فيها نفس».
«جريت بيها على الحمام أغسلها وشها وأقولها فوقي مالك»، قال المتهم باكيا أمام المحقق، مختتما: «هي مفيش منها أي استجابة وعملتلها تنفس صناعي في بوقها بس مفيش فايدة».
تابعوا آخر أهل مصر على Google News
