«خناقات بالسنج والمطاوي وهتشوف أيام سودة».. أبرز تصريحات مرتضى منصور ضد حسين لبيب

هجوم عنيف شنه مرتضى منصور، رئيس الزمالك السابق، على المهندس حسين لبيب، خلال نظر جلسة الطعون على انتخابات مجلس إدارة نادي الزمالك.

رصدت «أهل مصر» أبرز تصريحات مرتضى منصور من المحكمة اليوم:

- الأهلي أخد من حسين لبيب 16 بطولة في كل الألعاب وأنت نايم على وشك

- النادي اتخرب بسبب حسين لبيب وممدوح عباس

- النادي شهد دمار ومعاكسات للبنات وكل يوم خناقة بالسنج والمطاوي.. هو دا الزمالك؟!

- كل الصفقات الجديدة في النادي ملهاش ذنب في اللي بيحصل

- أنا جايب عبد الله السعيد من 9 سنين من قلب الأهلىي وإمام عاشور لو أحسن لاعب في العالم الزمالك مش عايزه تاني

- أنا اتبرعت لنادي الزمالك بـ 200 مليون جنيه، انت اتبرعت بـ ايه يا حسين يا لبيب؟

- هو أنا هسيبك لما تدوس على اسمي بالجزمة داخل النادي، والسيسي مش ناقص حد يعمله مشكلة دلوقتي

- أنا الرئيس التاريخي للزمالك لو روحت النادي هضربهم كلهم، عندي جميعة عمومية وعندي جماهير بجد وأقدر اطلعهم برة النادي

وقررت المحكمة الإدارية العليا بمجلس الدولة، اليوم الاتنين، حجز الطعن المقدم من مرتضى منصور على بطلان انتخابات مجلس إدارة نادي الزمالك الحالي، لجلسة 20 مايو للنطق بالحكم.