واصلت نيابة بدر والشروق، اليوم الأحد، تحقيقاتها في واقعة مقتل زوجة على يد زوجها، بسبب خلافات نشبت بينهما تطورت إلى حد مقتل الزوجة بملاءة سرير على يد زوجها، فلم يتركها إلا جثة هامدة.
تحقيقات النيابة في مقتل زوجة على يد شريك حياتها
قال الزوج أمام النيابة: 'أنا متجوز نيرة بقالي حوالي 5 سنين وربنا كرمنا بولد وبنت اسمهم يونس وإحسان، وأنا اتجوزت مراتي وكنا عايشين في المنيا وبعد كده حصل مشاكل في بيت العيلة عندنا فأبويا قالي خد مراتك واطلع على القاهرة، فأنا جيت على التجمع الأول وأجرت شقة جنب أهل مراتي لأنهم ساكنين هناك، واشتغلت أي حاجة تجيب فلوس حلال عشان خاطر أكفّي بیتي، وبرضه مكنش عاجب مراتي وأهلها، وكانوا دائما بيستهزؤا بيا وبيعايروني عشان خاطر هما معاهم فلوس كتير'.
وأضاف المتهم خلال تحقيقات النيابة: «طلبت مني أجيبلها شقة ثانية وأنا كنت شغال وقتها غفير في مدينة بدر، وكنت شغال برضه سواق على ميكروباص عشان خاطر أحسّن دخلي، وفعلا رحت دفعت عربون إيجار شقة في الكيلو 1 ونص مدينة نصر، وتاني يوم وأنا في الشغل لقيت واحد صاحب حمايا بيكلمني وبيقولي إن بنتی إحسان ماتت، فأنا جريت بسرعة ولما سألتهم هي ماتت إزاي، معرفتش آخذ منهم حق ولا باطل، وبعدين وأنا رايح أدفنها عندنا في المنيا ببص على بنتي لأول مرة لقيت فيه خرابيش في وشها».
استعجلت النيابة العامة تقرير الصفة التشريحية الخاص بالمجني عليها، ومن المقرر إحالة المتهم إلى الجنايات خلال الأيام القليلة المقبلة.
تابعوا آخر أهل مصر على Google News
