كشف محمد الإتربي، رئيس مجلس إدارة بنك مصر، عن حقيقة زيادة رسوم على السحب من ماكينات الـ ATM.
وقال رئيس مجلس إدارة بنك مصر، خلال مداخلة هاتفية لـ برنامج 'كلمة أخيرة' تقديم الإعلامية لميس الحديدي المذاع على قناة 'أون': ' البنك المركزي منذ عامين أيام جائحة الكوفيد شال جميع الرسوم اللي على استخدام ماكينات الصرف الآلي، كان في بنوك بتاخد ١٠ جنيهات وبنوك ٢٠جنيها'.
وأضاف 'الإتربي': 'بعد انتهاء الجائحة رفعنا التعريفة للي بيسحب نقدي من ماكينة غير ماكينة البنك بتاعه يدفع ٥ جنيهات فقط لاغير وموحدة في الـ ٣٨ بنك، لو عميل في بنك مصر بيستخدم ماكينة البنك الأهلي يدفع ٥ جنيهات إنما لو بيستخدم الماكينة بتاعت البنك مش هيدفع رسوم'.
وتابع: ' مفيش رسوم بالنسبة لاستخدام الكروت بره اتحركت ولا زادت.. اللي كان بيدفع رسوم زمان هو ما زال اللي بيطبق حاليا'.
تابعوا آخر أهل مصر على Google News
