صدمة قوية تلقاها أحد عملاء موقع 'سوق دوت كوم ' للتسوق الإلكتروني، حيث اكتشف أن الشركة قد أرسلت له 'طوبة' داخل الطرد الخاص به، وليس 'هاتف محمول' حسب الأوردر الذي قام بتسجيله.
وحذر أحد رواد مواقع التواصل الاجتماعي من الشراء عبر سوق. كوم، ومعاناة الكثير من العملاء من مستوى خدمات التجارة الإلكترونية في مصر وتحديداً 'سوق دوت كوم '، مشيرًا إلى أن 'أحد العملاء طلب تليفون وصل له 'طوبة'، حسب قوله، وروى معاناة أحد العملاء مع سوق. كوم، قائلاً 'عميل اسمه سامح عبدالله عمل أوردر من أربع أيام من موقع سوق لموبايل 'شاومى نوت 9 برو'، وكان ميعاد التسليم امبارح الإثنين 22 يونيه'.
وأضاف 'المندوب وصل حوالى الساعة 2 الظهر، والعميل استلم منه الشحنة، ودفع الفلوس للراجل، وهو بيعد الفلوس فتح العلبة قدامه لقى العلبة فيها 'طوبة كبيرة'.
تحذير من التعامل مع سوق. كوم
وتابع: 'المندوب اتصدم، والعميل طلب حسابه، فالراجل كلم المشرف بتاعه وأخذ الشحنة كلها بعد ما أصر أن العميل يصورها'.
الظريف في الموضوع إن المشرف الجميل طلب من المندوب ياخد الفلوس وقال للعميل اعمل مرتجع على سوق علشان يرجع الطوبة !
وأفاد أن العميل سرد في شكواه إن إغلاق الشحنة كان طبيعي جداً ومقفوله بلاصق سوق.كوم الطبيعى، متسائلاً عما يمكن أن يحدث في حالة أن المندوب خرج وتم فتح الشحنة بعدها، قائلاً:' كان هايلف كعب داير ما بين خدمة العملاء والاتصال بالمندوب وساعتها محدش كان هايصدقه نهائي وكان هايتقال عليه نصاب و كانت فلوسه هتضيع'.
تحذير من التعامل مع سوق. كوم
وحذر المواطنين من التسوق الإلكتروني 'خلوا بالكم ياجماعة وأي أوردر تطلبوه من سوق أو جوميا لازم تفتحوه قبل ما المندوب يمشي ويسيبك.. لأن بعدها مش هاتعرف توصل لحاجة وحقك هيضيع وأنا مانصحش اساسآ ان حد يشتري حاجه من سوق.كوم'.
واختتم حديثه ' بالمناسبة سوق اتصلت بالعميل بعد الفضيحة دي وقالت إنها هاتضيف مبلغ 500 جنيه في حسابه لتعويضه (ارشائه)، بس هو رفض و في الغالب هايشتكيهم في جهاز حماية المستهلك'.
تابعوا آخر أهل مصر على Google News
