تداول طلاب كلية الآداب قسم اللغة الانجليزية، بجامعة عين شمس مجموعة من الصور داخل الكلية، عبر موقع التواصل الاجتماعي 'فيسبوك'، تبرز مدى معاناة الطلاب أثناء دفع المصروفات الدراسية، وعدم أخذ التدابير الاحترازية، في ظل انتشار الموجة الثانية من فيروس كورونا (كوفيد- 19).
وقالت ياسمين محمد، إحدى طلاب الجامعة، إن الأمر في غاية الصعوبة، منوهة بأن جامعات مصر تتبع الإجراءات الاحترازية وخفضت أيام الحضور، وتتبع نظام التعليم الهجين، وهذا لم يتحقق بالكلية منذ بداية العام الدراسي، قائلة بشأن دفع المصاريف: 'مطلوب مني أقف أول طابور عشان أذن الدفع ويحصل خناقات والأولاد يكسروا الباب بعدما وقفوا بالأربع ساعات من غير ما يدخلوا ويعملوا كده عشان يدخلوا، وحرفيا الولاد والبنات مفيش فرق بينهم أصلا، كله بيزق كله وكله يكح ويعطس على كله والواحد مش عارف يفلسع لأنه مقدميش حل تاني غير أنه يدفع عشان يعرف يمتحن'.
وأوضحت أن الكلية أصدرت قرار بمنع الطلاب من دخول امتحانات 'الميد ترم' في حال عدم دفع المصروفات الدراسية، لافتة إلى أنه مع وجود زحام شديد ومئات الطلاب، لا توجد إلا ماكينة دفع واحدة، إضافة إلى سقوط السيستم ووقوف الطلاب ما يزيد عن 4 ساعات، مما أرهق الطلاب نفسيًا، وجسديا.
وقال مصطفى محمد في تعليق له: 'نفس المنظر اتكرر يوم الأربع في التحويل من انتساب و كل واحد يجي يعمل نفسه قلبه علينا، ويقول التباعد يا جماعه ومدير شؤون الطلبة في كلية تجارة محسسنى انه بيدينا حسنة من فلوسه واقف بـ70 واحد في حتة شبه علبة السردين'.
وأضافت شيماء ماهر: 'فعلا ده حصل وانا كنت هناك النهاردة بحد حاجة في قمة الإهمال وجامعة مش مقدرة أزمة كورونا الموجودة في الوقت الحالي ياريت حد من المسؤولين يشوف حل في الموضوع ده لأن بجد حاجة في قمة الذل والإهانة'.
وتابع مودي خالد: 'إحنا في تجارة نفس العدد كل يوم بس شباك واحد اللي شغال والموظفين قاعدين بيشربوا شاي ويفطروا، وسايبين موظف واحد بيخمس في العشرين شباك، ولما تقرب للشباك يقولك إحنا بنقفل 12 وربع، تعالى بكرة عشان لو مجاش النهاردة الفيروس بكرة يجيلك لما تيجي'.
تابعوا آخر أهل مصر على Google News
