أثار الإعلامي تامر أمين بتصريحاته الأخيرة عن أسباب الزيادة السكانية في الصعيد حالة من الجدل والغضب بين رواد مواقع التواصل الاجتماعي بسبب هذه التصريحات التي وصفوها بأنها تهين رجولة ونخوة الصعيدي علي بناته بشكل خاص وأولاده بشكل عام معبرين عن استيائهم لما يحتويه كلامه لإساءة المرأة الصعيدية التي تلاقي كل التكريم والتبجيل من والدها وليس الإهمال والتهميش والاستغلال.
يداية الأزمة كانت بتصريح غير مسئول من الإعلامي تامر أمين من خلال برنامجه أخر النهار المذاع على قناة النهار الفضائية، بقوله إن الأهالي في الريف والصعيد ينجبون الأطفال لا للاتحاق بالتعليم بل للإنفاق عليهم مؤكدا: 'نسبة كبيرة في الريف والصعيد بيخلفوا ولاد وبنات، مش علشان يصرفوا عليهم ويخدوا شهادات ويتعلموا ويبقي عندهم فرص عمل إنما بيخلفوهم علشان العيال دي هم اللى يصرفوا على الأب والأم'،
= #تامر_أمين في الريف و الصعيد بيشحنوا البنات على القاهرة عشان يشتغلوا خدمات!
ــ 'هما دول بقي اصحاب الفضل عليك' pic.twitter.com/ODALQ3rejm
— رياض باشا المنفلوطي🦅 (@RiadManfalouti) February 18, 2021وأضاف: 'في أسر كتير أوي بيخلف الولد وأول ما يبقي عنده 5 أو 7 سنين بالكتير يرميه على ورشة سمكرة أو دوكو أو يبقي فواعلي يشتغل في المعمار المهم يشتغل وإعلاميًا بنسميه الواد بلية صبي الأسطي، فيروح الاسطي يديله 1000 جنيه ياخد الولد الفلوس أخر الشهر يرموهم في حجر أبوه ده الولاد، لو جاله بنت هيغلب أو يدخلها المدرسة لأ، البنات اول ما تبقي 8أو 9 سنين اشحن تشتغل في البيوت وفيه ازمة في الخادمات فبتتشحن للقاهرة أو الإسكندرية'.
ورد معلقون كثر عبر صفحات خاصة بأهل الصعيد علي مواقع التواصل الاجتماعي علي هذه التصريحات فقال أحدهم: 'الراجل الوحيد الصعيدى الى ميقبلش على بنتة تشتغل خدامة اما الشباب يشتغل فى ورشة يشتغل فى بناء عادى الشغل مش عيب' وقال أخر: 'بنات واولاد الريف والصعيد..هم أفضل...من امثالك وغيرهم اتربوا علي المبادئ والأصل.. ويعرفوا العيبة الي ما عرفتها يا الي اسمك تامر... يا خسارة علي ناس امثالك في بلد زي مصرنا الغالية.. ازاي الناس دي بتمثل إعلامنا وثقافتنا.. وهي لا تجيد ادب الحديث ..عن اهلنا وناسنا.. فعلا الفقير فقير الأدب والأخلاق يا تامر افندي.. مش فقير المال ... ويسعي في ارض الله تعالى..ليأكلوا من رزقه بالحلال الطيب'.
وقالت إحدي الصعيديات: 'تيمور السبكي اتكلم علي ستات الصعيد في 2016 قلبنا الدنيا عليه واتحبس وانت هيتمسح بيك الأرض أصغر عيل فى الصعيد لو نزلك مصر والله والله مهتقدار تطلع من بيتك تانى'. وقالت أخري: 'فتحت علي نفسك ابواب جنهم'. وقال أحد الصعايدة بصفحة المجتمع السوهاجي: 'علي فكره الصعايده مش فقراء والفقراء فينا غني بكرامتهم وعزه نفسه دي حاجه اتربينه عليها طبعا لااسف متعرفهاش انت'. وقال أخر: 'لا معندناش ستات تشتغل وحتي لو اشتغلت مش اي شغل الست عندنا في الصعيد جوهره'. وقال أخر: 'مفيش صعيدي بيعيش علي عرق اولاده وبناته الي بيعمل كده لمؤاخذه اللي شبهك مش الصعايدة. الصعايدة علماء ووزراء ومهندسين وعلماء دين مش الصعيدي اللي يطلع حريمة تشتغل في البيوت الصعيدي عمره ما قبل علي نفسه انه يشغل مراته او بنته او اخته في الشوارع ولكن بيحفظهم في البيوت وبيتعاملوا معاملة الملكات'.
تابعوا آخر أهل مصر على Google News
