عمرو أديب في عيد الأم: "نفسي ترجع 10 دقايق وتمشي تاني"

قال الإعلامي عمرو أديب، إن أسباب النجاح والسعادة في هذه الحياة هو إرضاء الأم ودعواتها الصادقة لك، مشيرا إلى هذا السبب ليس علميا وليست له نظريات أو أبحاث لكنه أمر واقعي حقيقي.

وأضاف "أديب" خلال مداخلة هاتفية مع برنامج "الحكاية"، المذاع عبر فضائية "إم بي سي مصر": "أنا عاوز أقلكم حاجة واحدة بس إن سر نجاحك في الحياة هو رضا أمك فقط، أنا بقول ما تعمل حاجة ولا تتعب نفسك خلي أمك رضيا عنك".

وتابع: "دائما الأم بيكون ليها طلبات غريبة وصعبة، شوف ايه اللي عوزاه واعمله اقلب الدنيا واعمله، اديها الدواء خد بالك منها وهي كبيرة"، مضيفا: "أنا عاوز أمي ترجع تاني 10 دقايق بس أعملها أكل معين هي بتحبه أأكله لها في بقها وتمشي تاني".