توجه الطالب يوسف محسن بمدرسة جمال عبد الناصر غرب الفيوم الثانوية، الشهير إعلاميًا 'طالب الصفر في العربي'، بالشكر إلى الدكتور طارق شوقي وزير التربية والتعليم والتعليم الفني، لسرعة استجابته في شكوى الطالب، وعدد من الملاحظين، وإظهار حق الطالب في ورقة البابل شيت الأصلية المدون بها الحلول كاملة وتصحيحها وإعطاءه الدرجات.
البداية كانت عندما نشر الطالب على صفحته الشخصية على الفيس بوك منشورًا جاء فيه: 'أنا اسمي يوسف محسن . مدرسه جمال عبد الناصر غرب الفيوم جبت 64 % وجبت في العربي صفر، وحصل معايا أن كنت مسلم ورقتين للبابل شيت، وعامل محضر بده زي المدرس قالي أنا قولت للمراقبة، أنا غلطت في سؤال أعمل أيه ادتني بابل شيت، قالتلي حل فيه السؤال ده بس وهندبس الاتنين ف بعض ومعاهم المحضر.
واضاف عبر المنشور، والمحضر مكنش بتبديل بابل شيت لا أنا كنت كاتب أن عندي سوالين غلط وتم نقلهم في بابل شيت آخر على حسب تعليمات المدرس بالكلام الي هكتبه انا معرفش ازاي اكتب محضر انا كتبت الي قاله.
وأكمل الطالب: 'ولما سالت دلوقتي كذا مدرس قالوا بيروح ورقه واحده، والتانية بتتبعت كتالف ومدرسين قالوا بتتقطع بس وده مش إلى مضيت عليه، ولا كتبته في المحضر، المحضر اتعمل ومضيت على أساس إلى مستر بتاع اللجنه قالي عليه وإلي أنا كاتبه بإيدي في المحضر'.
وأضاف،:' كتبت المحضر أني نقلت إجابه السؤال ده في بابل شيت تاني، ومضيت عليه والمراقب كنت قولتله طيب ينفع يبقي ليا اتنين قالي طالما معمول محضر اثبات حاله خلاص، وكان في آخر الوقت، وقالي يلا عشان الوقت خلص، وأنا كنت أول مره في حياتي أمتحن بابل شيت، ولسه معرفش أي حاجه في مشيت ورا كلام المدرس، إلى هو أكيد فاهم أكتر مني، ودلوقتي لقيت أني جايب صفر في معني كده أن الورقة إلي هي فيها سؤال واحد إلي راحت واتصححت ومع العلم المدرس قالي هيروح الاتنين طالما عملت محضر.. فهل ذنبي إني مشيت ورا كلام المراقب'.
تابعوا آخر أهل مصر على Google News
