الرئيس السيسي للمصريين: مش عايزين تحلموا معانا ليه؟

أكد الرئيس عبدالفتاح السيسي، ضرورة أن يكون هناك تغطية إعلامية موسعة لحجم الإنجازات التي تقوم بها الدولة من مشاريع تخدم المواطنين، قائلا: «نريد تسليط الضوء على ذلك في جرايدنا ومجلاتنا والتلفزيون، ويكون فيه تغطية ليها.. خصوصًا أن ذلك الأمر يكون في الريف».

وشدد الرئيس السيسي خلال افتتاح مجموعة إسكان بديل المناطق غير الآمنة صباح اليوم السبت، على ضرورة النهوض للأفضل بالدولة في شتى المجالات، موضحا: «مش عاوزين تحلموا لبلدكم ولأنفسكم ليه؟.. ليه راضيين بقالب طوب تحطوه وخلاص؟.. إحنا نقدر نغير ظروفنا، بدليل إننا بنقول لو دخلنا على قرية 100 بيت، دور واحد، نقدر نحسن ظروفهم ونطور منهم مثل تلك النماذج.. هتساعدونا لتقديم ذلك؟»

وأضاف الرئيس السيسي: «بالمناسبة في الدلتا الجديدة وسيناء هناك تخطيط متكامل.. لأن أنا اللى بعمله.. لأننا بنخطط تخطيط متكامل في كل شيء، بحيث تتواجد كل الخدمات.. لكن في تلك المناطق نعالج أوضاع سابقة، لن تتعالج إلا بتضافر الجهود ونكون مع بعض عشان نغير حياتنا وعشان نحقق حلمنا.. مش عاوزين تحلموا معايا ليه بس؟».