أول رد من «التعليم» على واقعة تبول طفل داخل لجنة امتحانات بالمعصرة

قررت إدارة المعصرة التعليمية، إحالة معلم واقعة تبول الطفل داخل لجنة امتحانات، للشؤون القانونية، لمباشرة التحقيقات .

وقررت المدرسة، خصم 3 أيام من راتب المعلم، لكن الإدارة لم تكتف بذلك، وقررت إحالته للشئون القانونية للتحقيق معه.

وكانت والدة طفل بمدرسة فاطمة الزهراء الرسمية لغات بحدائق حلوان، كشفت تفاصيل منع ابنها بالصف الرابع الابتدائي من دخول الحمام أثناء الامتحانات، حتى تبول الطفل على نفسه داخل اللجنة، مما تسبب فى حرج له أمام أصدقائه والمعلمين .

وقالت والدة الطفل تصريحات سابقة لـ «أهل مصر»، "ابنى فى سنة رابعة إبتدائي وكان رايح امتحان العربي متوتر وقلقان من المنهج زى كل الطلبة اللى أول مرة يدخلوا امتحان ولجنة، وأثناء الامتحان طلب من المراقب إ. أ دخول الحمام لأنه مش قادر يستحمل، لكن المراقب رفض، وقاله: "أقعد مكانك"، ومرضيش يخرجه بالرغم من بكاء الطفل.

وتابعت حديثها، "طوال فترة الامتحان وابنى متوتر ومش مركز في الامتحان، لأنه عايز يدخل الحمام من البرد، وفي الأخر مقدرش يمسك نفسه من التوتر والسقعة وشخط المدرس فيه وتبول على نفسه، وفضل مكسوف جدا ومش عارف يتحرك قدام أصحابه غير البرد اللى بقي فيه بسبب المياه اللى فى البنطلون".

وأضافت "المدرسة كلمتني بعد ما خلص الامتحان وجبت غيار تاني ليه علشان يعرف يكمل امتحان الدين في البرد ده، وقدمت مذكرة فى المدرسة عشان حق ابنى يرجع، دا غير أنه من التوتر والقلق معرفش يحل ولا يركز فى الامتحان".