أحمد موسى: القوات المسلحة هي الدرع والسيف.. والقوات الجوية تشعرنا بالفخر (فيديو)

وجه الإعلامي أحمد موسى، رسالة طمأنة للمصريين بوجود القوات المسلحة ومنها فرع رئيسي وهي القوات الجوية، قائلا: «درع وسيف الدولة بمعنى الكلمة».

أضاف خلال برنامج «على مسئوليتي» المذاع على قناة صدى البلد، أن القوات الجوية احتفلت بعيدها التسعين يوم 14 أكتوبر بعد هزيمة العدو الإسرائيلي في معركة المنصورة في أطول معركة طيران، حيث أسقط سلاح الطيران المصري 18 طائرة إسرائيلية من 120 طائرة واجهت 14 طائرة مصرية فقط لمدة 53 دقيقة، قائلا «عاوز كل مصري يطمن أن في قوات مسلحة درع وسيف للدولة واللي بنشوفه ده جزء بسيط من اللي عند مصر ومنها القوات الجوية وهي الدرع والسيف والأذرع الطويلة ونسور الجو مؤهلين بأحدث أنواع المقاتلات بالإضافة إلى تنوع مصادر السلاح وإنشاء القواعد العسكرية الجديدة كذلك الفنيون والمهندسون والتأهيل على أعلى مستوى من التدريب والقتال».

وجه الإعلامي أحمد موسى، حديثه للمواطن المصري قائلا: «الحمد لله لازم نشعر بالأمن والاطمئنان بوجود القوات المسلحة والقوات الجوية و الـ 104 ملايين مصري سواء في الداخل أو الخارج لازم تكون رأسك فوق ومرتفعة بارتفاع المقاتلة المصرية في الجو ومنها الرفال و إف 16 والشعور بالفخر ومفيش قلق من أي حاجة ولازم نقف مع بلدنا».

وأكد أن الرئيس عبدالفتاح السيسي، استطاع تغيير المنظومة كاملة، قائلا: «عندنا تنوع في مصادر السلاح ومصيرنا مش تحت إيد حد من الدول وعندنا السلاح الأمريكي والفرنسي والألماني والإيطالي والروسي وغيره، ولازم تكون متنوع في مصادر السلاح ومحدش يجي يقول عندنا مشكلة في كذا إحنا عندنا مستوى عالي من الكفاءة عندنا النسور والطيارين وبتدرب على أعلى مستوى وأي مستوى متقدم في التكنولوجيا مقاتلة حديثة النسور المصرية تستوعبها في زمن قياسي».

تابع: «عندنا ولاد متدربين وكفاءة عالية في كل حاجة عندنا السلاح والتسليح اللي انت تخليك تقدر توصل لأي مهام تكلف بها القوات المسلحة أو القوات الجوية وتنفذ المهام في التو واللحظة عند صدور التكليف بأي مهمة والهدف هو تدمير الهدف وده كل هدف المقاتل والنسر المصري وهود ده المطلوب بالخبرات والإمكانيات والطائرات متعددة المهام وتنفيذ أي تكليف يصدر من القيادة».

واصل: «مصر تمتلك القواعد العسكرية الخاصة بالقوات الجوية إحنا بلد بتعمل تنمية في كل حتة ولازم يكون في جاهزية لأي تهديدات تحصل ومن هنا أنا بسأل المصريين هل التهديدات انتهت لا طبعا ومصر بتواجه الإرهاب والتشكيك والقوات المسلحة هي الدرع والسيف ومنها درع رئيسي القوات الجوية مع باقي الأسلحة لم ننتهي من مواجهة الإرهاب.. إحنا عندنا ناس لا تنام عيونهم سهرانة وإن محدش يقدر أو يحاول يعدي حدودنا أو يقتحم أو يهرب أي حاجة أو سلاح أو ميليشيات القوات بترصد وقبل ما يعدي الحدود يكون تم تدميره وعندنا كمان سلاح حرس الحدود».