السيسي عن طلبه 100 مليار من المستثمرين: "كانوا فاكريني جاي آخذ"

تحدث الرئيس السيسي عن الصعوبات والتحديات التي واجهت مصر خلال مرحلة إعادة البناء التي قادها طوال السنوات الماضية.

وقال الرئيس السيسي، خلال كلمته في الجلسة الختامية للمؤتمر الاقتصادي: لما جيت أعمل أول لقاء مع المستثمرين في فترة الترشح قلتلهم أنا محتاج 100 مليار جنيه لمجابهة آثار ثورة 2011 و2013، كنت خايف أن الانطباع بتاعهم إني جاي آخذ، آخد فلوس الناس".

وأردف: "ده لا يرضي ربنا ولا هيرضي ربنا لكن لازم نشوف المسار اللي مشيت به الدولة وكانت نتائجه إيه".

وأضاف الرئيس السيسي "السياق الإعلامي مش في خدمة الرئيس، السياق الإعلامي لخدمة الفكرة، انت عايز توحد الجهود، أدبيات التعامل مع هذا الواقع في الظروف اللي كانت بتمر بيها مصر مكنتش مناسبة".

وتابع السيسي: "كمثال على هذه النقطة كنا بنتكلم على أهمية تصويب وإصلاح الخطاب الديني، قلت ياجماعة الواقع اللي بنشوفه في منطقتنا والفهم والممارسات الدينية الموجودة في بلادنا تحتاج إعادة طرح فهم عصري".