الرئيس السيسي: "بسأل أي حد شغال في حتة بتاخد كام علشان أعرف الدنيا عاملة ازاي"

تحدث الرئيس عبدالفتاح السيسي عن خطة خلق فرص عمل في كل مكان تجتذب طبقات بسيطه ومحدودة في مصر.

وقال الرئيس عبدالفتاح السيسي: "من ضمن اللي اتكلمنا فيه علشان نوفر فرص عمل، ازاي نعرف لما يكون حد شغال في حتة بياخد كام، وأقوله انت بتاخد كام يضحك، أنا بسأله كده عشان أشوف الإنسان البسيط ده بياخد كام، وأعرف هل هو يقدر يعيش كده ولا الدنيا عامله ازاي".

وأضاف الرئيس السيسي خلال كلمته في الجلسه الختامية للمؤتمر الاقتصادي مصر 2022: "أنا ماشي على الطريق الساحلي لقيت شاب عنده 18 أو 19 سنة قولت له أنت بتعمل إيه قالي بفتح في الخرسانه بالمنشار، والله العظيم اتصورت هيقولي باخد 100 جنيه أو 120، قالي أنا باخد 180 جنيه".

وتابع: "احنا قولنا هنعمل فرص عمل في كل حته في الدنيا تجتذب طبقات بسيطه ومحدودة، احنا شغالين في الكلام ده بقالنا 7 سنين، مش أقل من 6 مليون إنسان شغالين على كامل الأرض المصرية".