ياسمين عز ترد على تصريحها المفبرك عن أحمد موسى: ينفع حد بالكياتة واللطافة دي يقول كده

ردت الإعلامية ياسمين عز على الشخص الذي فبرك تصريحها عن أحمد موسى، بصوا على وشي كده ينفع حد بالكياتة واللطافة دي يقول كده.

وأضافت ياسمين عز خلال تقديم برنامج كلام الناس، المذاع على قناة «مصر MBC »: 'اللي فبرك التصريح ده ساقط في مادة فنون الرد عايز تتعلم تعالي اعلمك'.

تصريحات ياسمين عز

وتابعت: إزاي هقول كده وأنا كنت في إجازة، يعني اللي فبرك التصريح لو عايز تتسلى استنى لما أرجع ونتسلى مع بعض، وبعدين أنتو ناسيين إني عمري ما هاجي على راجل ابدًا، أنا متربية في بيت رجال'.

وكانت ياسمين عز، قالت: «هناك نساء كثيرات تنسى أن الزواج هو عبارة عن ميثاق غليظ، وكلمة (طلقني) لا يجب أن تقال على المشاكل التافهة، ماتبعيش ودانك لحد وماتسمحيش لواحدة فشلت في حياتها الزوجية تعمل لك غسيل مخ، الست مش بتنور بعد الطلاق، الراجل هو اللي بينور ويطفي لكن الزرار عندك».

وأكملت حديثها: «الست بتعتم بعد الطلاق ومش بتنور ولا حاجة، والنور الحقيقي لما تعيشي حياة طبيبعة مع جوزك، مفيش فيلر ولا بوتوكس هيخليكي تنوري لأن الراجل هو اللي بينور ويطفي اسألي جوزك ايه اللي مضايقه وإمتى تبقي صاحبته وحبيبته».

واختتمت ياسمين عز: «الراجل مفيهوش عيوب وإحنا اللي بنقف له على الواحدة، إحنا مش في حرب ولو إحنا في حرب إخسريها عشان تكسبي جوزك».