تفقد الرئيس عبد الفتاح السيسي، اليوم الجمعة، أعمال التطوير الشامل لهضبة المقطم.
وصرح السفير بسام راضى، المتحدث الرسمى باسم رئاسة الجمهورية، بأن الرئيس السيسي، شدد على إقامة أنشطة استثمارية جديدة توفر فرص عمل لأكبر عدد من الشباب، بما في ذلك أعمال إقامة محاور وطرق إضافية وإنشاء حوائط داعمة للهضبة حفاظًا على أمن المواطنين.
وفي سياق آخر، شهد الأسبوع الرئاسي نشاطا حافلا حيث تصدرت زيارة كاتدرائية ميلاد المسيح بالعاصمة الإدارية الجديدة، وحضور مؤتمر التحالف الوطني، نشاط الرئيس السيسي الأسبوعي، وزار الرئيس السيسي كاتدرائية ميلاد المسيح بـ العاصمة الإدارية الجديدة حيث قدم التهنئة بعيد الميلاد المجيد، وهنأ الرئيس عبد الفتاح السيسي، البابا تواضروس الثاني بعيد الميلاد المجيد، مقدمًا له باقة ورد، وذلك خلال حضوره للمرة العاشرة في كاتدرائية ميلاد المسيح.
وقال عبد الفتاح السيسي، مهنئًا الأقباط بعيد الميلاد المجيد: 'كل سنة وأنتم طيبين ويارب السنة دي تكون سنة خير وسلام وسعادة وأمن وأمان علينا كلنا مش بس في مصر ولكن في العالم كله'.
تهنئة الرئيس السيسي للبابا تواضروس
وتابع:'النهارده مناسبة جميلة وسعيدة وكان المفروض اقول كل سنة وانتو طيبين وأعطي الفرصة لقداسة البابا تواضروس، أوجه كل التقدير والاحترام والاعتزاز للبابا تواضروس وليكم كلكم'.
وأضاف:'عايز اقولكم انتوا متعرفوش مدى المحبة والتقدير والاعتزاز اللى أنا اقدر به قداسة البابا تواضروس الثاني، وفي كل مرة أسمع حديث لقداسته او حتى الكتاب اللى صدر عنه قداسته اجد فيه حكمة وبلاغة عظيمة ومش هنسي ابدا حديثه لما قال الأديان تتوافق ومش لازم الأديان تتطابق، وبقول كده لعشان تفضل محبتنا لبعض بدون تمييز ودي لازم تبقى دي متاصلة في نفوسنا، إحنا محتاجين دايما في كل مناسبة نأكد ان احنا واحد مفيش أي شكل من اشكال التفرقة ما بينا لإن لو فيه تفرقة مننجحش ابدا والكلام ده مش بس للأقباط ولكن لينا كلنا كل الشعب واحنا بنحبكم، كل سنة وانتوا طيبين وعيد سعيد عليكم'.
وقال الرئيس عبد الفتاح السيسي:'انا شايف ان الناس قلقانة.. الناس في مصر قلقانة وخايفة مش هقول إن ده مش مبرر بس لو كان كلامي يطمنكوا لازم تطمنوا إحنا مش مبنخبيش عليكم حاجة ولو سمحت يا كل المصريين أنا في كل مناسبة بتكلم وأقول الحكاية علشان تبقوا عارفينها متديش ودنك لحد أقل ما فيه مش مسئول، كل واحد يعرف علي قده الموظف المدير اللى بعده وبعده لحد لما نوصل لأعلي مستوي ومتولي اكبر مسئولية، يعني محدش يعرف زي قداسة البابا تواضروس في شئون الكنيسة، اسمعوا اللى يتكلم لو مكنش يعرف وأكيد مش هيبقى عارف'.
وتابع:'اقول للمصريين متخافوش وبكلم كل المصريين متخافوش لسببين الأول إن ربنا موجود ومش هيسيبنا، وهو أعز وأكبر مننا كلنا، ثانيا إننا كمسئولين حريصين بعد الأزمة العالمية اللى تأثيراتها كبيرة جدا والدنيا بعد الأزمة هتخلي الدنيا مختلفة تماما الفترة للى جاية وإحنا الحمد لله رب العالمين ماشيين كويس ولو كنا بنعاني بس منخافش ومنقلقش ومش هسيبنا يعني، لو فيه حاجة هاعملها هقولكم يقولك أصل قناة السويس هيبيعوها ولو فيه حاجة هقولها، هي مصر لو تعبت هنتخلى عنها لأ طبعا'.
تابعوا آخر أهل مصر على Google News
