حالة من الغضب تسيطر الآن على أولياء أمور الطلاب المصريين بالسعودية، الدارسين بنظام “أبناؤنا في الخارج” ، وذلك بسبب سقوط سيستم 'أبناؤنا في الخارج ' الامتحانات لليوم الثاني على التوالي.
واستغاث أولياء الأمور على السوشيال ميديا بالمسئولين في وزارة التربية والتعليم بالعديد من الرسائل، فقالت هبة أحمد: “الحل إيه ياجماعة لو سمحتوا المنصة مش بتفتح في السعودية وواقعة ولا إمبارح دخلنا ولا النهاردة، يرضي مين كدة شوفوا حل يا مسئولين إحنا تعبنا وأولادنا تعبوا حرام كدة”
سقوط السيستم
وقال سعد ربيع: أولادى لحد دلوقتى مش عارفين يدخلوا على امتحان العربى (السعودية ) ولا عارفين نطبع ولا حتى أون لاين لأن الموقع مش بيفتح فى السعودية.
سقوط سيستم امتحانات "أبناؤنا في الخارج"
وقالت سناء مصطفى: الوضع حاليا كالتالى، المنصة بتعمل error مفيش حساب للطالب مفتوح أحمل منه الامتحان أو امتحن عليه، أنا حاليا متعلقة فى الهوا لا امتحنت عربى ولا عارفة أدخل أشوفه ولا عارفة برضو أشوف باقى الامتحانات
وقالت انتصار الصمدي : ابتدائى وإعدادى السعودية لسه مفتحش ايه الحل.
وزير التربية والتعليم
وقالت منال بغدادي: لا إحنا عارفين نرفع امتحان العربي على المنصة اللى مش راضية تفتح تانى، ولا نمنا ولا ذاكرنا المادة اللى المفروض هنمتحن فيها بعد نصف ساعة، بجد تعبنا حاجه فوق الوصف مفيش نظام ولا سيستم واللى يشيل الهم ولي الامر والطالب الغلبان حسبنا الله ونعم الوكيل.
يذكر أنه بعد سقوط سيستم امتحانات أبناؤنا في الخارج أمس السبت، أعلنت وزارة التربية والتعليم والتعليم الفني، مساء أمس عن رابط منصة امتحانات أبنائنا في الخارج الجديدة، التي تقرر إطلاقها بدلا من المنصة القديمة التي شهدت أزمة سقوط سيستم امتحانات ابنائنا في الخارج اليوم.
ويمكن لمن يهمه الأمر الدخول على منصة امتحانات أبنائنا في الخارج الجديدة من خلال الرابط التالي :
https://exam.abroad.moe.gov.eg
محاسبة المسئولين عن سقوط سيستم امتحانات ابناؤنا في الخارج
وأكدت مصادر مسئولة بوزارة التربية والتعليم والتعليم الفني، أن الدكتور رضا حجازي وزير التربية والتعليم والتعليم الفني وجه بتشكيل لجنة فورية للتحقيق في الأسباب التي أدت إلى سقوط سيستم امتحانات ابناؤنا في الخارج اليوم في أول يوم امتحانات، مما أدى لتعطل إجراءات امتحانات أبناؤنا في الخارج.
وأوضحت المصادر، أن وزير التربية والتعليم مهتم جدا الآن بتحديد المشكلات التي أدت إلى سقوط سيستم امتحانات أبناؤنا في الخارج اليوم، وتحديد المتسبب فيها مع مجازة المسؤولين عن هذه المشكلات واتخاذ الإجراءات القانونية اللازمة.
تابعوا آخر أهل مصر على Google News
