تداول رواد موقع التواصل الاجتماعي «فيسبوك»، خلال الساعات الماضية، صورة لإعلان عن سيارة مستعملة من نوع جيب رانجلر، بالصفحة الأولى بجريدة الأهرام، عدد أمس السبت 1 أبريل 2023، على مساحة كبيرة وبصيغة تحتمل التأويل، مما تسبب في حالة من الجدل بين نشطاء مواقع التواصل.
وقال محمد أمير في تعليق له على الإعلان: «الصورة عبارة عن اعلان في الصفحة الاولى لجريدة الأهرام المصرية بتاريخ 1 ابريل 2023، وزي محنا عارفين فا اعلانات الاهرام غالية جدا، لكن غرابة الاعلان ده انه عن عربية مستعملة تتباع بـ 300 ألف بكتيره، عالصفحة الاولى من جريدة الاهرام، من غير اي وسيلة تواصل او رقم تليفون، وصياغة الاعلان نفسه غريبة حبتين، تحس انها رسالة مشفرة مش اعلان خالص. فا احنا قدام 3 خيارات .. - الاول انه اعلان فعلا واحنا خيالنا واسع. - التاني انه تجربة اعلانية استقصائية لقياس المبيعات مثلا - التالت بقا انه رسالة مشفرة لغرض ما».
وتابع: «احنا مفيش اوسع من خيالنا، فا تعالو (نتخيل) ونفسر الرسالة سوا، مجرد خيال طفولي كدة على غرار 'الفرعون الصغير جاهز للاحتفال'، واعتبروه بوست هزار، واللي عنده تفسير يسيبه في الكومنتات: - جيب رانجلر امريكي ميلتري ستايل: إشارة للجيش الامريكي - بمواصفات خليجية: بدعم خليجي - موديل التسعينات معدلة: حرب الخليج بشكل جديد - هنا بيقولك (CC) ٤.١ محرك رئيسي لستة سلندر: الCC معروف مين، محرك رئيسي لستة ايه بقا احداث؟ ملفات؟ رؤساء؟ الله اعلم - تم تعديل مركز الثقل لمنع الانقلاب: واضح انه كان هيبقا فيه انقلاب واتمنع بأمر شخص ما - فرملة M.B.S : واللي منع الانقلاب محمد بن سلمان M B.S باينة اهية - تعليق Hitman - suspention : كان هيتم اغتياله او اغتيال حد واتعلق؟ - الاستبن الاحتياطي لم ولن يلمس الارض: اغرب رسالة دي عشان فيها حرف نصب 'لن' يفيد النفي في المستقبل، معنى كدة ان البديل في الانقلاب تم استبعاده مثلا؟ - جهاز تعقب وتتبع مسار الحركة: معناه انه متراقب؟ - رالي الصحراء - رالي الفراعنة: تأكيد على مصر والسعودية تاني وبيدل على المشاركة. - اكسسوارات وتجهيزات اختيارية: اظن هنا الرسالة معناها ان الدعم والفلوس بإختياره في حالة لو رضخ او وافق على حاجة.
صورة من الإعلان المثير للجدل
- تأمين شامل لكافة الحوادث المرورية: اعلان حماية من التهديدات. - (وحوادث القضاء والقدر) نوفمبر 2024: دي صيغة تهديد صريحة، بيقوله خاف على نفسك من نوفمبر ٢٠٢٤، هيحصل ايه في نوفمبر ٢٠٢٤؟ الانتخابات اظن؟؟ دا لو المقصود مصر يعني. - انذار صوت عالي: تهديد بثورة؟ بتدخل دولي؟ الامم المتحدة؟ - للتواصل وتجربة القيادة الوعرة وحاطت ايميل اسمه 'random reactions' ،و 'universe24' واخيرا VIP- تجربة القيادة الوعرة تحتمل معنى الانفراد بالحكم او الشطحان او الخروج عن الأوامر، والايميل اسمه 'ردود فعل عشوائية».
صورة الإعلانوتابع: «أما الكلمة التانية بقا universe25 فهي عنوان تجربة اجتماعية عملها عالم السلوك جون بي كالهون في الستينات عن الاكتظاظ السكاني وعلاقته بالانهيار المجتمعي، تجربة اتعملت على الفئران انهم عاشوا في زحمة كبيرة والنتيجة ان الفئران ظهرت عليها اعراض الضغط النفسي والعزلة والعدائية، وبعدين ظهرت الانحرافات الجنسية، الفشل الأبوي، والعنف المتزايد، لحد الفوضى العارمة».
وأضافت رنا مصطفي عبر صفحتها الشخصية: «الصورة دي مش من تصويري وغالبا صاحب البوست ممكن يمسحه في اي وقت الصورة عبارة عن اعلان في الصفحة الاولى لجريدة الاهرام المصرية بتاريخ ١ ابريل ٢٠٢٣م، وزي محنا عارفين فا اعلانات الاهرام غالية جدا، لكن غرابة الاعلان ده انه عن عربية مستعملة تتباع ب٣٠٠ الف بكتيره، عالصفحة الاولى من جريدة الاهرام، من غير اي وسيلة تواصل او رقم تليفون، وصياغة الاعلان نفسه غريبة حبتين، تحس انها رسالة مشفرة مش اعلان خالص».
تابعوا آخر أهل مصر على Google News
