رد الإعلامي محمد على خير، على كلام شيخ العرافين بأن له قصة مثيرة مع إحدى المعجبات في المعادي، لترد الإعلامية بسمة وهبة متفاجئة: 'ايه ايه أنت يا أستاذ خير أنت يا أستاذ خير دا أنا صدمت فيك دلوقتي'، ليقاطعها الإعلامي محمد علي خير: «دي قصة قديمة حاكيها لواحد، عرفتوها إزاي».
وأضاف في لقائه ببرنامج 'العرافة' والذي تقدمه الإعلامية بسمة وهبة، على فضائية 'المحور' و'النهار'، اليوم الخميس: 'في بداية ظهوري على الراديو والإعلام وبدأت الناس تعرفني وبدأت اتلقى تليفونات بكثافة، قررت إحدى الشركات عمل خط تليفون لي، يكون غير موضح عليه رقمي ولكن الشخص يتصل برقم مختصر وتحول المكالمة لي'.
وأوضح: 'لقيت واحدة من أول ما الخط اتعمل عمالة تتصل يوميًا 10 مرات، أنا من المعادي، وأقولها يا ستي التليفون مش معمول لكده يا ستي مينفعش يا ستي غلط، وأقفل الخط وهي تتصل'، موضحًا: 'في نهاية الموضوع رجعت الخط للشركة قولتلهم كده الدنيا باظت وهيتخرب بيتي ونهيت القصة'.
وتابع: 'مراتي لما تشوف الحلقة دي هتفاجئ بدا، ولكني عملت كده احترامًا لمراتي'، ليقاطعه شيخ العرافين ضاحكًا: 'نهيت القصة بعد ما خدت العنوان'، ليرد خير: 'مقدرش أخد العنوان هي اللي قالتلي إنها في المكان الفلاني، لكني مروحتش، أنا من الشغل للقهوة للبيت'.
تابعوا آخر أهل مصر على Google News
