ياسمين عز: ليه واخدة معاكي حلة ورق عنب للمصيف كده فرعونك هيزعل

قالت الإعلامية ياسمين عز، إن الفترة الحالية فترة إجازة وأغلب المواطنين يستغلون هذه الفترة في الترفيه، سواء من خلال السفر للساحل الشمالي أو غيرها من المدن الساحلية للاستجمام وغيره.

وحذرت ياسمين عز، خلال تقديمها برنامج 'كلام الناس'، المذاع عبر فضائية 'إم بي سي مصر': 'أوعي تاخدي حلة محشي معاكي وانتي طالعة المصيف أو طالعة الساحل، مفيش مبرر إننا ناخد محشي معانا الساحل'.

وتابعت: ' ليه واخدة معاكي حلة ورق عنب للمصيف، إحنا قولنا بانيه متبل بالبيض والبقسماط هيقلب رائحة العربية ولكن ماشي عشان نوفر في الأسعار، والست تكون موفرة لفرعونها، الأسعار بقت غالية وأهي حاجة سريعة تتعمل ساندوتشات على الشاطئ، لكن ليه ناخد محشي معانا المصيف'.

وواصلت: 'هتعملي المحشي ازاي في المصيف من غير الشوربة بتاعته، هتعملي المحشي بمرقة الدجاج مش بيبقى حلو، ومن ثم فرعونك حبيبك هيزعل إن الأكل مش حلو وانتي هتقفشي، بدل ما تشموا هوا وتفرحوا مع بعض تتخانقوا وتعكننوا على العيلة كلها وتسمعوا صوتكم على المصيف كله، والموضوع يتحول لمأساة بسبب حلة ورق العنب'.