عمرو أديب: في طبقات انزلقت والمواطن من حقه يشتكي

قال الإعلامى عمرو أديب، إن حديث الرئيس عبد الفتاح السيسى ورئيس الحكومة في مؤتمر “حكاية وطن”، كان بها كثير من الألم وعدم تقدير من الشعب.

وأضاف عمرو أديب خلال تقديمه برنامج الحكاية المذاع على قناة “mbc مصر": "لما كان بيتكلم الرئيس السيسى والدكتور مصطفى مدبولى تشعر بكثير من الألم، وتشعر أن فيه انطباع أن الناس ممكن تكون مش مقدرة اللى حصل.. هذا الانطباع جانى، لما تشوف رئيس الوزراء وهو بيتكلم عن اللى حصل ومفيش هناك تقدير ودى نبرة واضحة".

وتابع: "أنا بحاول أكون واضح ومباشر وصريح البلد محتاجة كل كلمة في مكانها أحنا في ظروف صعبة جداً ومحتاجة أننا نتكلم بجد".

ولفت إلى أن المواطنين لهم حق في شكواهم من الأسعار وارتفاع المصروفات الدراسية وارتفاع وتابع:”سعر كرتونة البيض.. فيه انزلاق لطبقات .. فيه حاجة على الواتساب دلوقتى أسمها عزيز قوم ذل.. اللى كان مودى عياله في مدرسة معينة لكن مش قادر يدفع ووداهم مدرسة تانية، أه فيه شكوى من كدا”.

وأكد “أديب”، أن هناك جهود حقيقية للارتقاء بالدولة المصرية ولكن خلال عملية الارتقاء حدثت كورونا والحرب الروسية الأوكرانية، و الغلاء والتضخم في كل مكان في العالم.