عمرو أديب للناخبين: "أنت مش نازل لحد أنت نازل لنفسك"

علق الإعلامي عمرو أديب، على إقبال المواطنين على اليوم الأول للانتخابات الرئاسية بالخارج.

وقال عمرو أديب خلال برنامج “الحكاية” المذاع علي قناة “إم بي سي مصر”: "شوفت إقبال محترم جداً في تصويت المصريين بالخارج خاصة في الكويت والرياض وجدة".

وأضاف: "عايز اقول للناس أنت مش نازل لحد أنت نازل لنفسك ونازل تعبر عن نفسك وأيا كان اللي أنت عايزه أو مش عايزة خير بس أرجوك عبر عن ذاتك، أنت بتنزل تقول أنا عايز فلان أو مش عايز فلان عايز واحد تاني أو تالت، أنت بتعبر عن نفسك وإرادتك وهذا أمر هام جداً مش بقول أن فيه منافسة عنيفة ولكن بقول عبر عن نفسك وابعت رسائل انت مع مين وضد مين وشايف أيه النهاردة".

وأكد :"شايفين إقبال في بعض اللجان للمصريين بالخارج، وفي الكويت كانوا عاملين فرح النهاردة، وأنا عايز أقول حاجة في أمريكا محدش بيدي صوته من أجل أمريكا ولكن علشان تغيير معين أو مستقبل أفضل وأنا مش مع فكرة شعار من اجل مصر، انا مع من أجل أنا وعيالي والمستقبل ومن أجل انجازاتي والأشياء اللي انا عملتها وعرق جبيني وأكل عيشي وأمني وأمن عيالي، انت شايف ايه ومعتقد ايه هو ده المهم".

وتابع:"مش هحكم على الإقبال من خلال فيديو، لا إن طرف حاطط ليا لجنة فاضية أو لجنة مليانة والهيئة الوطنية للانتخابات هي اللى هتقولنا نسب المشاركة.

وتشهد الانتخابات الرئاسية منافسة بين 4 مرشحين لسباق الترشح في هذا الانتخابات، تستمر لمدة 3 أيام هي 1، و2، و3 ديسمبر 2023، تبدأ في تمام الساعة 9 صباحًا بتوقيت كل دولة على حدة، حيث تعقد اللجان الانتخابية بمقار السفارات والقنصليات المصرية حول العالم.

وتضم قائمة مرشحي الانتخابات الرئاسية، التي تضم كلا من المرشح الرئاسي عبد الفتاح السيسي، وعبد السند يمامة رئيس حزب الوفد، وفريد زهران رئيس حزب المصري الديمقراطي الاجتماعي، وحازم عمر، رئيس حزب الشعب الجمهوري.