قال الإعلامي مصطفى بكري، إن الوزراء تحدثوا بشفافية خلال مناقشة برنامج الحكومة أمام مجلس النواب.
تقييم الوزراء والمحافظين خلال 6 شهور
وأضاف بكري خلال برنامج «حقائق وأسرار» على قناة صدى البلد «فيه شعاع أمل بدأ يتواجد، أخدنا فترة زعلانين وده حق الشعب المصري، لكن فيه بادرة أمل، إحنا شعب عنده إرادة قوية، ولو المسؤول حب يشتغل هيشتغل»، مشيرا إلى أن جلسة مجلس النواب اليوم شهدت إشادة واسعة بالفريق كامل الوزير، نائب رئيس الوزراء، وزير الصناعة والنقل.
وواصل الإعلامي مصطفى بكري «رئيس الوزراء يتابع الوزراء والمحافظين، الإيد الواحدة مش هتسقف، مينفش وزير ومحافظ يقعد في مكتبه، الرئيس قالهم هقيمكم بعد 6 شهور»، معلقا «مش بنتكلم مجاملة، إحنا خايفين على مصر، وشايفين الأعداء موجودين جوانا، مصر بلد الوطنيين ومصر، هنفضل لغاية آخر يوم بندافع عن أهلنا، بس فيه فرق إنك بتدافع عن بلدك وإنك تكون خنجر في ضهر وطن، إحنا مش بنطبل لكن خايفين على البلد، الوطن لو حاصله حاجة مس هنسامح نفسنا ليوم الدين».
تابعوا آخر أهل مصر على Google News
