تحدث الإعلامي عمرو أديب، عن فيديوهات الإلحاد المنتشرة على مواقع التواصل الاجتماعي، قائلاً: "رجعنا تاني للنظريتين بتوع إن العالم دا كان بانفجار كبير وأن ملوش حد خالقه، رجعنا لموضوع خلص منذ سنوات، وأصبح الأن الواد الزكي والكوول هو اللي يعرف يقول الكلمتين دول".
وأضاف الإعلامي عمرو أديب، خلال برنامجه "الحكاية" المذاع عبر فضائية "أم بي سي مصر 2": "هتقولي ان دا جاي مع أيه هقولك أنا أقولك دا جاى مع ان هناك أجيال لا تقرأ ولا تعرف معني كلمة كتاب ومعني الثقافة، وعلى فكرة بقول لحضراتكوا أساتذة فى الكوميديا اللي بيعملوا الكلام دا من كل الجنسيات، وهذا الأمر منتشر".
وتابع: "كنا فى كارثة الأفلام الإباحية والمثلية، ونحن الآن فى كارثة الإلحادية واللا دينية، وهناك مشكلة لأنهم يوصلوا للناس انه لا ضابط ولا رابط، ولو مفيش ربنا لا يوجد أخلاق أو قيود، وبيقولك المساكنة عادي وواحد يقولك أنت ليه متتجوزش أختك".
تابعوا آخر أهل مصر على Google News
