رد الإعلامي خالد أبو بكر، على التصريحات أدلى بها رئيس نادي الزمالك، حيث قال إن ' الزمالك أكبر قلعة رياضية في مصر'.
ونشر أبو بكر عبر صفحته الخاصة على موقع التواصل الاجتماعي 'فيس بوك': 'أكبر قلعة رياضية في مصر!! لو باليفط كنا حطينا علي الدولار يافطة ونقول انه ب ٣ جنيه'.
حسين لبيب: الزمالك هو أكبر قلعة رياضية في مصر
وكان انفعل حسين لبيب، رئيس نادي الزمالك على الهواء، بسبب الحملة التي حدثت قبل مواجهة الأهلي في السوبر الأفريقي، للتقليل من القلعة البيضاء.
وقال حسين لبيب في تصريحات عبر قناة «أون تايم سبورتس 1»: «الماتش ده بنرد بيه على أي حد بيتكلم عن نادي الزمالك، إحنا عندنا لاعبين عظماء، زيزو، شيكابالا، عبدالله السعيد، الأسماء دي يتقال هينزلوا ياخدوا 3 و4 ليه بنلعب فين؟!، كلام لا يصدق».
وأكمل: «كانت حملة ممنهجة. مليش دعوة من مين، وأنا ببقى فخور إن يكون في حملة زي دي ونطلعها إنها حملة سلبية، الزمالك هو أكبر قلعة رياضية في مصر، واللي مش معترف بده مبيفهمش في الرياضة».
وأضاف: «بعد كدة مش هسكت لحد وكل اللي شكك في الزمالك ظهر على حقيقته، واللي مش عاجبه كدة يمشي ومش هنخليه موجود في الرياضة».
واختتم حديثه قائلًا: «أنا مش بحب المغرض يتكلم، أي حد من حقه يتكلم، إنما المغرض أنا اللي بتكلم عليه، وقولت للاعيبة أنا بحبكم وأثبتوا للشعب المصري إنكم الافضل في مصر».
تابعوا آخر أهل مصر على Google News
