قال شريف فتحي، وزير السياحة والأثار، إن ما أثير حول تماثيل أسود كوبرى قصر النيل شائعات تم تداولها على وسائل التواصل الاجتماعي.
وأضاف، أن أعمال تنظيف تماثيل قصر النيل اقتصرت على إزالة الأتربة والاتساخات الملتصقة وغازات التلوث الجوى، بالإضافة إلى وضع طبقة عزل شفافة لـ حماية التماثيل من العوامل الجوية.
وأكمل، قائلًا: "الموضوع ده كله بدأ عن طريق السوشيال ميديا واللي عرفته إن في أحد نقابات الفن التشكيلي نزلت حاجة على الفيسبوك وأنا بالنسبالي مكنتش عايز اعلق على الموضوع ده لان التواصل النقابي بين المؤسسات النقابية أو التنفيذية مش بيتم عن طريق السوشيال ميديا بيتم عن طريق الو نرفع سماعة التليفون نكلم بعض".
وأوضح: "ترميم وتجميل الآثار مش أول مرة وزارة الآثار تعمله كمعاونه للمحافظات والمحليات، اللي بيحصل أنهم بيستعينوا بالمجلس الأعلى للآثار يساعد في تنظيف وصيانة التماثيل، واللي فهمتوا لما كشفوا على التماثيل نتيجة الصيانات السابقة مكنش فيها صدأ، وهذا دليل أن الأعمال اللي تمت قبل كده كانت جيدة من حيث ناحية حماية التماثيل".
وتابع: "اللي حصل في التماثيل هو نفسه اللي حصل في أعوام سابقة لم يتغير اللون ولم يتم إضافة أي لون والتمثال بيتنضف من التراب بعدين بيتغسل بمادة معينة بعدين بيتحط له طبقة ملهاش لون بتدي لمعة في الأول لازم نعمل في حسابنا بناخد سنين طويلة تمثال معرض للشمس والهواء والتراب والعوامل الجوية، مفيش تغيير لون ومفيش ما يدعو للقلق ولما حققت لقيت الموضوع واخد اهتمام على السوشيال ميديا أكبر من حجمه".
تابعوا آخر أهل مصر على Google News
