ياسمين عز: مراتك تجيبلها دهب إنما الورد ده تجيبه لمامتك

وجهت الإعلامية ياسمين عز تهنئة بمناسبة عيد الحب، مشيرة إلى أن هذه المناسبة ينتظرها العديد من المرتبطين والمخطوبين والمتزوجين.

وقالت ياسمين عز، مقدمة برنامج 'كلام الناس' المذاع عبر قناة 'MBC مصر'، مساء اليوم الجمعة، إن هدايا عيد الحب يجب أن تكون ذهبًا، وهو ما يُعتبر الهدية المثالية للمرأة، مُشيرة إلى أن الهدايا الأخرى لا تساوي قيمة الذهب.

وأضافت الإعلامية ياسمين عز: 'يد زوجتك يجب أن تكون مزينة بالذهب، لأنه لونه الأصفر اللامع يجذب الانتباه، وهذه هي الهدية الأجمل لأي امرأة مصرية'.

ووجهت 'ياسمين' رسالة للأزواج، قائلة: 'في عيد الحب مافيش حاجة اسمها ورد .. منذ اختراع الذهب والألماس لغوا الورد .. قوم جيب لمراتك كرسي جابر تزين بيه رقبتها وتغيظ بيه جارتها، أو تديها ظرف فيه 10 آلاف جنيه، ولا وصل أمانة ولا شيك على بياض، الورد ده تجيبه لمامتك'.

وتابعت: 'أنا عايزه مراتك ايديها توجعها من تقل الدهب كده، الراجل الصح لازم ايد مراته تشخلل من كتر الدهب، غززها كده دي مراتك مش حماتك'.

واختتمت 'ياسمين'، قائلة: 'قايمة الأسعار في عيد الحب، لو عايز تسهر مع مراتك وتحط عيالك عند حماتك حط 500 جنيه، عايز تسهر مع صحابك ونداري عليك ونقول انك عندنا تدفع 700 جنيه، عايز تسهر مع حط ونقول لمراتك إنك عند اصحابك تدفع 1000 جنيه، عايز تبات بره البيت يبقى تمضي على وصل أمانة'.